नशिली पदार्थाची विक्री करणार,तितक्यातच धडकले पोलीस; लाखो रुपयांच्या मुद्देमालासह एकास अटक..

चंद्रपूर :-नशेच्या दुनियेत बेधुंद करण्यासाठी

ड्रग्सचा बेकायदेशीररीत्या वापर करून त्याची विक्री करू पाहणाऱ्या एका ३६ वर्षीय आरोपीच्या चंद्रपूर स्थानिक गुन्हे शाखेच्या(एलसीबी)पथकाने आज,शुक्रवार २० मार्च रोजी मुसक्या आवळून तब्बल ३ लाख ५५ हजार रुपयांच्या मुद्देमालासह ५५.०९ ग्रॅम ड्रग्ज पावडर जप्त केला आहे.सदरची कारवाई ही चंद्रपूर शहराच्या रामाळा तलाव मार्गावरील महानगर पालिका खुले गार्डन परिसरात करण्यात आली.माधव नारायण मामीड वय ३६ वर्षे,रा.सपना टॉकीज मागे,जलनगर वार्ड,चंद्रपूर असे अटकेतील आरोपीचे नाव असून त्याच्यावर चंद्रपूर शहर पोलीस ठाण्यात गुंगीकारक औषधीद्रव्य आणि मनोव्यापारावर परिणाम करणारे पदार्थ अधिनियम, १९८५ (एनडीपीएस ॲक्ट)अंतर्गत गुन्हा नोंदविण्यात आला आहे.

चंद्रपूर स्थानिक गुन्हे शाखेच्या पथकास आरोपी माधव मामीड हा रामाळा तलाव रोड परिसरात मेफेड्रोन(एमडी) ड्रग्ज विक्रीसाठी येणार असल्याची गोपनीय माहिती मिळाली होती.या माहितीच्या आधारे एलसीबीच्या पथकाने सापळा रचून आरोपीला ताब्यात घेतले व त्याची झडती घेतली असता ५५.०९ ग्रॅम मेफेड्रोन(एमडी) पावडर तसेच एमएच ३४ बीएन ४८६१ क्रमांकाची सिल्वर रंगाची जुनी ज्युपिटर कंपनीची मोपेड चारचाकी वाहन असा एकूण ३ लाख ५५ हजार रुपयांचा मुद्देमाल जप्त करण्यात आला.

सदर कारवाई चंद्रपूर जिल्हा पोलीस अधीक्षक मुम्मका सुदर्शन,अप्पर पोलीस अधीक्षक ईश्वर कातकडे यांच्या मार्गदर्शनाखाली ठाणेदार अमोल काचोरे यांच्या नेतृत्वात पीएसआय विनोद भुरले,सुनिल गौरकार तसेच पोलीस कर्मचारी सुभाष गोहोकार,सतीश अवथरे,दीपक डोंगरे, इम्रान खान,सचिन गुरनुले,हिरालाल गुप्ता,किशोर वाकाटे,शशांक बदामवार,अजीत शेंडे यांच्यासह पथकाने केली.