दोन वर्षाच्या चिमुकलीचा दुर्दैवी मृत्यू; जेली समजून  उंदीर मारण्याचे औषध खाल्ले औषध-भंडाऱ्यातील घटना..

उद्रेक न्युज वृत्त 

भंडारा :- जेली समजून उंदीर मारण्याचे औषध खाल्ल्याने दोन वर्षाच्या चिमुकलीचा दुर्दैवी मृत्यू झाल्याची घटना शहरातील विद्यानगरात घडली. श्रीमयी प्रेम शेंडे वय २ वर्षे असे या मुलीचे नाव आहे. श्रीमयी घरात खेळत होती.त्यावेळी घरात उंदीर मारण्यासाठी औषध टाकून ठेवण्यात आले होते. खेळता खेळता श्रीमयीने जेल समजून ते औषध चाटून बघितले.तिची प्रकृती खालावल्याने नागपूर येथील खासगी रुग्णालयात दाखल करण्यात आले. परंतु, उपचारादरम्यान तिचा मृत्यू झाला.घटनेमुळे परिसरात शोककळा पसरली आहे.दोन वर्षे वयाची चिमुकली धड बोलूही शकत नव्हती त्यामुळे हळहळ व्यक्त होत आहे.