उद्रेक न्युज वृत्त
चंद्रपूर :- गुप्त माहितीच्या आधारे नागभीड तालुक्यातील तळोधी पोलिस ठाण्याच्या हद्दीत एलसीबी पथकाने रेती तस्करीचे तीन ट्रॅक्टर जप्त करून लाखो रुपयांचा मुद्देमाल जप्त केलाआहे.या कारवाईमुळे रेती चोरांमध्ये भीतीचे वातावरण निर्माण झाले आहे.
सध्या जिल्ह्यात रेती चोरी मोठ्या प्रमाणात सुरू आहे. रेती तस्कर स्थानिक पोलिसांची नजर चुकवून मोठ्या प्रमाणात रेती चोरी करत आहेत.जिल्हा पोलिस अधीक्षक रवींद्रसिंह परदेशी यांच्या सूचनेवरून एलसीबीच्या पथकाने अशा रेती चोरांविरुद्ध मोहीम सुरू केली आहे.गुप्त माहितीच्या आधारे १६ लाख १५ हजार रुपयांचा मुद्देमाल जप्त करण्यात यश आले. तीन ट्रॅक्टर जप्त करण्यात आले असून त्यात ३ ब्रास रेती आढळून आली.वाहन,रेती असा एकूण १६ लाख १५ हजार रुपयांचा माल जप्त करण्यात आला. याप्रकरणी तीन,आरोपीविरुद्ध गुन्हा दाखल करण्यात आला आहे.पुढील तपास तळोधी पोलिस करत आहेत.
