‘तुला पुढच्या गावापर्यंत सोडतो’; असे सांगून नेले जंगलात..! -अल्पवयीन मुलीवर अत्याचार करून फरार असलेल्या वनरक्षकास तीन दिवसांनी अटक..

चंद्रपूर :-जिल्ह्याच्या बल्लारपूर पोलिस ठाण्याच्या हद्दीत येणाऱ्या एका गावातील अल्पवयीन मुलीवर जंगलात नेऊन अत्याचार केल्याची घटना मंगळवार ५ ऑगस्ट रोजी उघडकीस आली होती.प्रकरणी वनरक्षकावर बल्लारपूर पोलीस ठाण्यात विविध कलमान्वये गुन्हा दाखल करण्यात आला होता.गुन्हा दाखल होताच वनरक्षक फरार झाल्याने पोलिसांकडून त्याचा शोध सुरू होता.अश्यातच फरार झालेल्या वनरक्षकाला तीन दिवसांनी गोंदिया येथून अटक करण्यात आली आहे.रंजीत दुर्योधन वय ३० वर्षे असे नराधम आरोपीचे नाव आहे.आरोपीला तीन दिवसाचा पिसीआर देण्यात आला आहे.घटनेचा तपास सहाय्यक पोलीस निरीक्षक शब्बीर पठान,कुमरे, विकास जुमनाके करीत आहेत.

•     प्रकरण काय?

अल्पवयीन मुलगी व तिचा मित्र कॉलेजची सुट्टी होताच दुचाकीने चंद्रपूरहून गावाकडे जात होते.जात असतांना वाटेतच त्यांच्या दुचाकीत बिघाड आल्याने ते दुरुस्त करण्याचा प्रयत्न करीत असतांनाच चंद्रपूरहून कारवा येथे जाणारा वनरक्षक रंजीत दुर्योधन त्यांच्या जवळ थांबला व मुलाला दमदाटी करत तुला खोट्या केस मध्ये अडकवतो,असे म्हणत पैसे मागितले.त्यानंतर अल्पवयीन मुलीला तुला पुढच्या गावापर्यंत सोडतो असे सांगून चंद्रपूर-जुनोना मार्गावरील जंगलात नेले आणि तिच्यावर जबरदस्ती करून अत्याचार केला व आरोपी वनरक्षकाने घटनास्थळावरून पळ काढला.पीडित मुलीने सदरची माहिती आपल्या मित्राला दिली.त्यानंतर तो तिला घरी घेऊन गेला.तिने पालकासमवेत बल्लारपूर पोलिस ठाणे गाठून तक्रार दिली.त्यानुसार पोलिसांनी आरोपीची चौकशी केली असता आरोपीची ओळख पटली.त्यानुसार त्याचा शोध सुरू होता.प्रकरणाचा तपास बल्लारपूर पोलिस ठाण्याचे ठाणेदार बिपिन इंगळे यांच्या मार्गदर्शनाखाली महिला पोलिस उपनिरीक्षक करिष्मा मोरे,पोलीस हवालदार यशवंत कुमरे सह पोलीस अंमलदार खडसे करीत होते.अश्यातच आरोपी वनरक्षक हा गोंदिया जिल्ह्यात असल्याची माहिती पोलिसांना मिळाली.त्यानुसार पोलिसांनी आरोपी वनरक्षकास गोंदिया येथून अटक केली आहे.