घरून निघाला ‘तो’ परतलाच नाही; ५९ वर्षीय इसम दहा दिवसांपासून बेपत्ता..

चंद्रपूर :-शहराच्या श्रीनगर वार्डातील केस कटिंगचा (न्हावी)व्यवसाय करणारा ५९ वर्षीय इसम घरून दुकानात जाण्यासाठी निघाला तो अद्यापही घरी परतला नसल्याने कुटूंबीय चिंताग्रस्त झाले आहेत. सुरेंद्र उर्फ गणेश चंपतराव कडुकर वय ५९ वर्षे, रा.श्रीनगर वार्ड प्रसन्न पेट्रोल पंप जवळ लालपेठ, कॉलरी क्र.०३ चंद्रपुर असे बेपत्ता असलेल्या इसमाचे नाव आहे.

नेहमी प्रमाणे सुरेंद्र कडुकर हे १७ जून २०२६ रोजी सकाळी ९:३० वाजताच्या सुमारास केस कटींगचे कामावर जाण्यासाठी घरून निघाले होते.तेव्हापासुन ते घरी परतलेच नसल्याने कुटुंबीयांनी  नातेवाईकांकडे,रेल्वे स्टेशन,बसस्टॅन्ड व पुणे येथे शोध घेतला.परंतु त्यांचा कुठेही थांगपत्ता लागलेला नाही. त्यामुळे,सुरेंद्र कडुकर यांच्या पत्नी वंदना कडुकर वय ५७ वर्षे यांनी चंद्रपूर शहर पोलिस ठाण्यात बेपत्ता असल्याची तक्रार नोंदवली. त्यानुसार,पोलीस प्रशासन  सुरेंद्र कडुकर यांचा शोध घेत आहेत.मात्र,तब्बल दहा दिवसांपासून त्यांचा शोध लागलेला नाही.

बेपत्ता असलेल्या ईसमाचे नाव सुरेंद्र उर्फ गणेश चंपतराव कडुकर वय ५९ वर्षे,उंची-५ फुट ७ इंच बांधा मध्यम,रंग-सावळा,चेहरा गोल डोळे मध्यम,दाडी -मिसी बारीक पांढरी,केस काळे-पांढरे बारीक अंगात कपडे-फिकट किम रंगाचा त्यावर बारीक बुटटे असलेला शर्ट,फुल पँट निळ्या रंगाचा चष्मा घातलेला आणि पायात काळ्या रंगाची चप्पल घातलेला असून सदर पुरूष कुठेही आढळून आल्यास चंद्रपूर शहर पोलिस ठाण्यात तात्काळ कळविण्याचे आवाहन करण्यात आले.

• संपर्क:-