खुद्द पत्नीनेच प्रियकर दिराच्या मदतीने पतीचा काढला काटा.. -अनैतिक संबंधाचा बिन भाड्याच्या खोलीत ‘दी एंड’..

वर्धा :-अनैतिक संबंधात आडकाठी येणाऱ्या पतीचा खुद्द पत्नीनेच प्रियकर चुलत दिराच्या मदतीने काटा काढल्याची घटना वर्धा जिल्ह्याच्या हिंगणघाट तालुक्यातील वडनेर पोलिस ठाण्याच्या हद्दीतील शेकापूर(बाई)गावात उघडकीस आली.विशेष म्हणजे, पतीला ठार करणाऱ्या पत्नीनेच मृतदेहाची माहिती दिल्याने प्रकरणाचा भांडाफोड झाला.संतोष पांडुरंग कैकाडे वय ४२ वर्षे,रा.शेकापूर(बाई),ता.हिंगणघाट, जि.वर्धा असे मृतक पतीचे नाव आहे,तर मृताची पत्नी सपना संतोष कैकाडे वय ३६ वर्षे व प्रियकर चुलत दिर शुभम रमेशराव कैकाडे वय ३० वर्षे अशी हत्या करणारे व मृतदेहाची विल्हेवाट लावण्यासाठी मदत करणारे शुभमचे दोन मित्र सचिन प्रभाकर बसुणे वय ३० वर्षे आणि प्रशांत रमेश करपे वय ३६ वर्षे,दोघेही रा.माढळी अशी आरोपींची नावे असून या चौघांविरुद्ध खुनाचा गुन्हा दाखल करण्यात आला आहे.

याबाबत अधिक माहिती अशी की,मृतक संतोष कैकाडे यांच्या पत्नीचे गावातीलच चुलत दिर शुभम कैकाडे सोबत प्रेमसंबंध होते.घटनेच्या दिवशी म्हणजेच १६ ऑगस्टच्या रात्री संतोष कैकाडे हे गावात भजनाचा कार्यक्रम असल्याने त्या ठिकाणी गेले होते.रात्री भजन संपवून घरी परतले असता त्यांना पत्नी सपना आणि प्रियकर शुभम हे दोघेही घरात आक्षेपार्ह अवस्थेत आढळून आले.आपले अनैतिक संबंध इतर ठिकाणी उघडकीस येऊ नये तसेच अनैतिक संबंधात अडसर ठरू शकतो म्हणून पत्नी सपना व प्रियकर शुभम यांनी मिळून घरातच संतोष यांचा गळा आवळून खून केला.त्यानंतर ही घटना कोणाच्याही लक्षात येऊ नये आणि पुरावा नष्ट व्हावा,यासाठी प्रियकर शुभमने आपल्या दोन मित्रांच्या मदतीने संतोष यांचा मृतदेह उचलून गावाजवळील विहिरीत फेकून दिला.संतोष कैकाडे हे गेल्या तीन दिवसांपासून गावात कुठेही दिसत नसल्याने गावकऱ्यांना आधीच संशय आला होता.दरम्यान,काल मंगळवारी खुद्द पत्नीनेच पतीचा मृतदेह गावाबाहेरील विहिरीत पडून असल्याचे गावकऱ्यांना सांगितले.गावकऱ्यांनी तात्काळ घटनास्थळी धाव घेऊन पोलिसांना माहिती दिली. पोलिसांनी घटनास्थळी पोहोचून तपासाची चक्रे वेगाने फिरवली आणि दोघांच्याही अनैतिक संबंधातून फुललेल्या प्रेमाचा बिन भाड्याच्या खोलीत ‘दी एंड’ झाला.