अल्टो कारमधून आले अन् सपासप वार करून निघून गेले.. – दोन तरुणांची निघृण हत्या; एकजण शिंदे सेनेचा पदाधिकारी..

भंडारा :-शहरात एखाद्या चित्रपटाच्या कथानक सारखी खळबळजनक घटना काल शनिवारच्या रात्री १० वाजताच्या सुमारास घडली.भंडारा शहराच्या मुस्लीम लायब्ररी चौक ते मिस्किन टँक गार्डन मार्गावर

अज्ञात हल्लेखोर एका अल्टो कारमधून धाडकन खाली उतरले आणि दोन तरुणांजवळ जात तरुणांना काही कळायच्या आत दोघांवर सपासप चाकूने वार करून निघृण हत्या करून अल्टो कारनेच पळून गेले.अचानक घडलेल्या घटनेने संपूर्ण परिसरात एकच खळबळ माजली.टिंकू उर्फ वसीम खान व शशांक गजभिये अशी मृतांची नावे असून टिंकू खान हा शिवसेना शिंदे गटाचा पदाधिकारी होता.वार करताच दोघेही रक्ताच्या थारोळ्यात पडले.जखमी झालेल्या दोघांनाही तात्काळ रुग्णालयात उपचारासाठी दाखल करण्यात आले,मात्र उपचारापूर्वीच दोघांचाही मृत्यू झाला.घटनेची माहिती मिळताच जिल्हा पोलिस अधीक्षकांचे पथक तातडीने घटनास्थळी दाखल झाले.गुन्हे शाखा व शहर पोलिसांनी परिसर सील करून तपास सुरू केला आहे.पोलिसांनी मृतदेह उत्तरीय तपासणीसाठी भंडारा जिल्हा रुग्णालयात पाठवले.शहरात तणाव वाढू नये म्हणून पोलिसांनी शहरातील मुख्य चौकात अतिरिक्त बंदोबस्त तैनात केला. अचानक घडलेल्या घटनेने शहरात तणावाचे वातावरण आहे.