अरततोंडी येथील वयोवृद्ध बेपत्ता…-देसाईगंज शहरात आले होते कामासाठी….

उद्रेक न्युज वृत्त

देसाईगंज(गडचिरोली) :- देसाईगंज शहरात काही कामानिमित्त आलेले रामदास सोमाजी शहारे वय ६० वर्षे रा.अरततोंडी,ता.अर्जुनी/मोरगांव,जिल्हा-गोंदिया येथील रहिवासी असलेले वयोवृद्ध देसाईगंज येथुन बेपत्ता झाल्याची घटना उघडकीस आली आहे.

रामदास शहारे मागील महिन्याच्या दिनांक- १२ ऑक्टोंबर २०२३ रोजी स्व-गावाहून देसाईगंज शहरामध्ये काही कामासाठी आले होते.शहरात येऊन, त्यादिवशी ते घरी परतले नसल्याने कुटुंबीयांनी शोधाशोध सुरू केली.मात्र त्यांचा कुठेही थांगपत्ता लागला नसल्याने कुटुंबीयांनी देसाईगंज पोलीस ठाण्यात मर्ग दाखल केला आहे.शहारे हे थोडे वेडसर स्वरूपाचे असून वर्ण काळा-सावळा,चेहऱ्यावर सफेद दाडी आहे.गेली २१ दिवसांपासून त्यांचा थांगपत्ता अद्यापही लागलेला नसल्याने सदर वयोवृद्ध कुठेही आढळून आल्यास देसाईगंज पोलीस प्रशासन तसेच मो.नं.- 9823832578 या क्रमांकावर संपर्क साधावा; असे आवाहन करण्यात आले आहे.