उद्रेक न्युज वृत्त
देसाईगंज(गडचिरोली) :-
बुद्ध धम्मात महत्व असलेल्या वर्षावास समापन सोहळ्याप्रसंगी मंगळवारी महाराष्ट्र शासन सामाजिक व विशेष न्याय विभागामार्फत राजर्षी शाहू महाराज परदेशी शिष्यवृत्ती संपादन करुन युनायटेड किंगडम या परदेशात फिलॉसाफर आँफ डॉक्टरेटचे (Ph.D.) उच्च शिक्षण घेणाऱ्या कु.कल्याणी मिलिंद मेश्राम या विद्यार्थीनींचे अभिनंदन करून व भारतीय संविधान भेट देवून बौद्ध समाज कोअर कमेटी देसाईगंज मार्फत सन्मानपत्र प्रदान करण्यात आले.यावेळी कु.कल्याणीची आई रजनी मेश्राम सोबत होत्या.
बौद्ध समाज कोअर कमेटी व डॉ.भंदत राहुल सांस्कृत्यायण बुद्ध विहार यांचे संयुक्त विद्यमाने वर्षावास समापन सोहळ्याचे आयोजन किदवाई वार्डातील बुद्ध विहारात भदंत डॉ.धम्मदीप महाथेरो व भिक्खु संघाच्या उपस्थितीत करण्यात आले होते.
सोहळ्याच्या अध्यक्षस्थानी दि बुद्धिस्ट सोसायटी आँफ इंडियाचे नागपूर विभागीय अध्यक्ष विजय बन्सोड होते.तर प्रमुख अतिथी म्हणून बौद्ध समाज कोअर कमेटीचे कायदेशीर सल्लागार ॲड.बाळकृष्ण बांबोळकर,प्रसिद्धी प्रमुख राजरतन मेश्राम,सल्लागार डाकराम वाघमारे,अध्यक्ष प्रकाश सांगोळे,बुद्धिस्ट सोसायटीचे जिल्हाध्यक्ष इंजि.नरेश मेश्राम,अनिरुद्ध शहारे,उद्धवराव खोब्रागडे,कार्याध्यक्ष भिमराव नगराळे,उपाध्यक्ष साजन मेश्राम,सचिव हंसराज लांडगे,सुनील शहारे,बुद्ध विहाराचे अध्यक्ष पृथ्थलकुमार शिंदे,महिला मंडळाच्या अध्यक्षा रंजु मोहोरकर,कोअर कमेटीच्या उपाध्यक्षा अनिता मेश्राम, संघटिका मिना शेंडे,कोषाध्यक्ष सुरज ठवरे,सदस्या शेवंता बन्सोड,आशा दहिवले,कविता निरांजणे,टिना ठवरे,शोभा खोब्रागडे,लिना मेश्राम,शिला पाटील आदिंनी स्थान भूषविले.दरम्यान फातीमा शेख महाविद्यालयीन युवतीने भारतीय संविधानावर तसेच कल्याणी व लावण्य,देवांशी,रुष्टी,सौम्या,आयुष या बालकांनी आपले मनोगत व्यक्त केले.वर्षावास समापन सोहळ्याच्या यशस्वितेसाठी सुनंदा वासनिक, प्रिया सांगोळे,शुभांगी कोचे,लक्ष्मी भैसारे,कल्पना वालदे,साधना बांबोळकर,रंजु मोहोरकर,रजनी मेश्राम आदिंनी परिश्रम घेतले.कार्यक्रमाला बौद्ध समाज कोअर कमेटीचे पदाधिकारी तसेच शहरातील व वार्डातील बहुसंख्य उपासक-उपसिका उपस्थित होते.
