२८ वर्षीय तरुणाचा तीक्ष्ण हत्याराने खून… – कुरखेडा तालुक्याच्या चिखली येथील घटना..

कुरखेडा (गडचिरोली):-कुरखेडा तालुक्याच्या चिखली येथील २८ वर्षीय तरुणाचा धारदार तीक्ष्ण हत्याराने खून झाल्याची घटना काल,शुक्रवारी ९ ऑगस्ट रोजी पहाटेच्या सुमारास उघडकीस आल्याने तालुक्यात एकच खळबळ उडाली आहे.जितेश भोवनदास पगडवार वय २८ वर्षे रा.चिखली असे खून झालेल्या युवकाचे नाव आहे.

मिळालेल्या माहितीनुसार,जितेश हा गुरुवारी सायंकाळी घराबाहेर पडला होता.रात्री उशिरापर्यंत तो घरी परतला नसल्याने कुटुंबीयांनी त्याचा इतरत्र शोध घेतला.शोध घेऊनही त्याचा कुठेही पत्ता लागलेला नव्हता.त्यानंतर काल,शुक्रवारी पहाटे चिखली-वडेगाव मार्गावर स्मशानभूमी परिसरात सिडीवर्कजवळ जितेशचा मृतदेह आढळून आला.शरीरावर तीक्ष्ण हत्याराचे वार व रक्ताने माखलेले कपडे आढळून आल्याने बघ्यांनी एकच गर्दी केली होती.काही नागरिकांनी घटनेबाबत कुरखेडा पोलिस ठाण्याला माहिती दिली.कुरखेडा पोलिसांनी मृतदेह उत्तरीय तपासणीसाठी कुरखेडा उपजिल्हा रुग्णालयात पाठविण्यात आले.पुढील तपास कुरखेडा पोलीस ठाण्याचे ठाणेदार महेंद्र वाघ यांच्या मार्गदर्शनाखाली कुरखेडा पोलीस करीत आहेत.