विजांच्या कडकडाटासह पाऊस; अंगावर वीज कोसळून दोघांचा मृत्यू..

भंडारा :-जिल्ह्यात आज,शुक्रवार २६ जून रोजी विविध भागात विजांच्या कडकडाटासह मुसळधार पावसाने हजेरी लावली.मात्र,विजांच्या कडकडाटासह झालेल्या मुसळधार पावसामुळे काही तालुक्यात वीज कोसळून दुर्घटना घडल्याचे उघडकीस आले आहे.तुमसर तालुक्यातील चारगाव-ढोरवाडा शेतशिवारात वीज कोसळल्याने शरद दवडू बुधे वय ४५ वर्षे,रा.ढोरवाडा यांचा मृत्यू झाला.तर त्यांचा मेहुणा महेश पांडुरंग फेंडर वय ३५ वर्षे,रा.मांडणगाव हे गंभीर जखमी झाले असून त्यांच्यावर तुमसर उपजिल्हा रुग्णालयात उपचार सुरू आहेत.सदरची घटना दोघेही शेतात काम करत असतांनाच अचानकपणे विजांचा चमचमाट होऊन वीज कोसळली.तसेच खापा येथे वीज कोसळल्याने ७० वर्षीय तुकडू चौधरी हे गंभीर जखमी झाले आहेत.त्यांच्यावरही तुमसर उपजिल्हा रुग्णालयात उपचार सुरू आहेत.यासह पवनी तालुक्यातील ब्रम्ही येथील श्रीकांत दिगंबर घावळे वय ३९ वर्षे यांचाही अंगावर वीज कोसळल्याने मृत्यू झाला.आज दुपारच्या सुमारास ते शेतातील कामे आटोपून घराकडे परत निघाले असता त्यांच्या अंगावर विज कोसळली.घटनेने परिसरात हळहळ व्यक्त केली जात आहे.