आज अपघातवार; ट्रक्स पलटी ग्रामसेवकाचा मृत्यू.. -बस आणि ट्रकची समोरासमोर धडक; वाहन चालक बचावला तर प्रवाशी जखमी..

गडचिरोली :-जिल्ह्यात आज,बुधवार १० डिसेंबरला अपघातांच्या तीन वेगवेगळ्या घटना घडल्या असून पहिली घटना गडचिरोली शहरात सकाळच्या सुमारास घडली.यात ४२ वर्षीय शिक्षिका ममता धर्माजी बांबोळे यांचा मृत्यू झाला.तर दुपारच्या सुमारास गडचिरोली जिल्ह्याच्या कोरची तालुक्यात दोन वेगवेगळ्या घटनांमध्ये एका ग्रामसेवकाचा मृत्यू झाला आहे.

कोरची तालुका मुख्यालयापासून दोन किलोमीटर अंतरावर असलेल्या मोहगाव येथील मुख्य मार्गाच्या  वळणाजवळ दुपारी एक वाजेच्या दरम्यान साकोली डेपोची एमएच ४० वाय ५२०७ क्रमांकाची नियमित बस कुरखेडा व्हाया कोरची जात असतांना समोरून येणाऱ्या सुरजागड लोह प्रकल्पाचा कच्चा माल घेऊन रायपूरला जाणारा एमएच ४० बीजी ९०५७ क्रमांकाचा ट्रक यांच्यात समोरासमोर धडक होऊन बसचा समोररील भाग चेंदामेंदा झाला.घटना घडताच बस चालक राहुल जगबंधू वय ५६ वर्षे यांनी प्रसंगावधान साधत बसखाली उडी मारल्याने थोडक्यात बचावले.मात्र,बसमधील प्रवाशांना जखमा झाल्या.बसमध्ये एकूण १२ प्रवासी होते.त्यातील ३ महिला जखमी झाल्या.कमलाबाई मडावी वय ५६ रा. नकटी,ता.देवरी,जि.गोंदिया या गंभीर जखमी असून त्यांना गडचिरोली जिल्हा सामान्य रुग्णालयात हलविण्यात आले.तर लता वट्टी वय २३ वर्षे रा.मसेली, ललिता भक्ता वय ३० वर्षे,रा.कोचीनारा, ता.कोरची या महिला जखमी झाल्या.