कॅच-कॅच नामक ॲपवर सुरू झालेली चॅटिंग पोलिसांत पोहचली..! – विवाहित पुरुषाचा घटस्फोटित महिलेवर अत्याचार..

नागपूर :-पहिल्या पतीशी नाते संबंध तोडत असतांनाच एका विवाहित पुरुषाशी न्यायालयाच्या आवारात ओळख झाली.ओळखीचे रूपांतर कॅच-कॅच नामक ॲप व इन्स्टाग्रामच्या माध्यमातून आपसात चॅटिंग सुरू झाले. यातून दोघांत भेटी-गाठी सुरू झाल्या.त्याने लग्न करण्याची बतावणी करीत तिच्यासोबत वारंवार शारीरिक संबंध प्रस्थापित केले. यातून गर्भधारणा झाल्याचे तिच्या लक्षात येताच तिने लग्नासाठी तगादा लावला असता, त्याने लग्न करण्यास स्पष्ट नकार दिला.अखेर कॅच-कॅच नामक ॲपवर सुरू झालेली चॅटिंग पोलिसांत पोहचली

आणि पोलिसांनी त्याला सावनेर पोलिस ठाण्याच्या हद्दीतील टाकळी(भन्साळी)येथून नुकतीच अटक केली.३७ वर्षीय उमेश गोपाल कुर्रे रा.वॉर्ड क्रमांक-२, टाकळी भन्साळी,ता.सावनेर असे अटक करण्यात आलेल्या आरोपीचे नाव आहे.पीडित महिला घटस्फोटित असून,ती आई,वडील,भाऊ,वहिनी व तिच्या आठ वर्षीय मुलीसोबत वैशालीनगर,हिंगणा रोड,नागपूर येथे राहते. तिचा ऑगस्ट २०२५ मध्ये घटस्फोट झाल्यानंतर ती उपजीविका करण्यासाठी काजू कतली तयार करण्याचे काम करते.उमेश व तिची पहिली भेट ७ जुलै २०२५ रोजी नागपूर शहरातील कुटुंब न्यायालयाच्या आवारात झाली होती.त्यावेळी ती तिच्या प्रकरणाच्या शेवटच्या पेशीवर तर उमेश काही कामानिमित्त एमएस-२७ बीई-३३७४ क्रमांकाच्या टाटा सफारीने न्यायालयात गेला होता.याच ठिकाणी त्यांची पहिली भेट झाली.त्यानंतर त्यांचे कॅच-कॅच नामक ॲप व इन्स्टाग्रामच्या माध्यमातून आपसात चॅटिंग सुरू झाले.मध्यंतरी ती उमेशसोबत त्याच्या टाटा सफारीमध्ये पारशिवणी तालुक्याच्या

कुवारा भिवसेन परिसरात फिरायला गेली.उलट्या झाल्याने उमेशने तिला पारशिवणी शहरातील डॉक्टराकडे नेऊन औषधोपचार करवून घेतले.तिथून त्याने तिला मनसर-रामटेक मार्गालगतच्या एका ओयो हॉटेलमध्ये नेले आणि तिच्याशी शरीरसंबंध प्रस्थापित केले.त्यानंतर त्याने लग्न करण्याची बतावणी करीत १६ जुलै २०२५ रोजी सावनेर तालुक्याच्या पाटणसावंगी शिवारातील गोजी हट हॉटेलमध्ये,पुढे काटोल नाका परिसरातील हॉटेल ग्रँड त्रिनिटी व नंतर वेगवेगळ्या हॉटेलमध्ये नेऊन तिच्याशी वारंवार शरीरसंबंध प्रस्थापित केले.यातून तिला गर्भधारणा झाली.तिने २९ ऑगस्ट २०२५ रोजी त्याच्याकडे लग्नासाठी तगादा लावला. त्यावेळी त्याने वाडी परिसरात वाहनातच तिच्या गळ्यात मंगळसूत्र घातले. ६ सप्टेंबर २०२५ रोजी वैद्यकीय तपासणीनंतर ती गर्भवती असल्याचे स्पष्ट झाले.याची माहिती तिने उमेशला देताच त्याने लग्नाचा विषय टाळायला सुरुवात केली.त्यानंतर तिचा नैसर्गिकरीत्या गर्भपात झाला व उमेशला कळविले.१५ ऑक्टोंबर २०२५ रोजी तिने पाटणसावंगी परिसरात त्याची भेट घेतली. त्यावेळी त्याने लग्न करण्यास स्पष्ट नकार दिला. शिवाय,तो विवाहित असून,त्याला दोन अपत्ये असल्याचेही तिला कळले आणि पायाखालची जमीनच सरकली.आपली फसगत झाल्याचे पीडितेच्या लक्षात येताच तिने पोलिसांत धाव घेत तक्रार नोंदवली.