नाव आहे छोटा मटका; पण भल्या-भल्या वाघांना देतो झटका..! – वर्चस्वाच्या लढाईत एका वाघाचा मृत्यू…

चंद्रपूर :-जिल्ह्यातील ताडोबा-अंधारी व्याघ्र प्रकल्प वाघ व इतर वन्यप्राण्यांच्या पर्यटनासाठी प्रसिध्द स्थळ असून या ठिकाणी सर्वसामान्य पर्यटकांसह मोठ-मोठे सेलिब्रिटी पर्यटनाचा आनंद लुटण्यासाठी भेट देत असतात. अश्यातच ताडोबा-अंधारी व्याघ्र प्रकल्पाच्या बफर विभागातील खडसंगी वनपरिक्षेत्रातील रामदेगी परिसरात छोटा मटका नामक वाघ आणि नयनतारा नामक वाघिणीचे आर्कषण आहे.नयनतारा वाघीणचे निळे डोळे पर्यटकांना भुरळ घालणारे आहे.त्यामुळे तिला पाहण्यासाठी पर्यटकांची गर्दी होत असते.त्यातच काही कालावधी पूर्वी या क्षेत्रातील भागात छोटा मटका नामक वाघाने एंट्री केली.एंट्री करताच इतर वाघांना त्या क्षेत्रात भटकुही देत नाही. इतर वाघ आलेच तर त्यांना झटका दिल्याशिवाय राहत नाही.छोटा मटका या वाघाने आतापर्यंत तीन वाघांना ठार केले आहे.अश्याच प्रकारे काल सोमवारी रात्रीच्या सुमारास छोटा मटका आणि ब्रम्हा या दोन वाघांमध्ये वर्चस्वाच्या लढाईत झुंज झाली.यात ब्रम्हा नामक वाघाचा मृत्यू झाला तर छोटा मटका वाघ हा गंभीर जखमी झाला.याबाबत पर्यटकांनी वन कर्मचाऱ्यांना माहिती देताच वरिष्ठांना कळविण्यात आले व आज,मंगळवारी १३ मे रोजी परिसरात शोधमोहीम सुरू असता एक वाघ मृतावस्थेत आढळून आला.वनाधिकाऱ्यांनी मृत वाघाचा मृतदेह ताब्यात घेऊन शवविच्छेदनासाठी पाठविला आहे.परिसरात अन्य वाघ किंवा प्राण्यांच्या हालचालींवर लक्ष ठेवण्यासाठी कॅमेरे लावण्यात आले आहेत.