देसाईगंज तालुक्याच्या पोटगावची पुनम कुथे “राज्यस्तरीय क्रांतिज्योती आदर्श महिला पुरस्कार-२०२५” ने सन्मानित… – आदर्श सरपंच भास्कर पेरे पाटीलांची उपस्थिती..

देसाईगंज(गडचिरोली):-स्वच्छतेचे जनक,थोर समाजसेवी राष्ट्रसंत गाडगेबाबा जयंतीदिनाचे औचित्य साधून बुलढाणा जिल्ह्यातील “पहाट फाऊंडेशन” च्या वतीने नुकतेच वर्धमान जैन भवन,शेगाव येथे “राज्यस्तरीय ग्रामविकास परिषद” आयोजित करण्यात आली होती.सदर परिषद कार्यक्रमास महाराष्ट्र राज्यातील क्रीडा,समाजसेवा,सांस्कृतिक,शिक्षण,कला,राजकीय, पर्यावरण अश्या विविध क्षेत्रातील उल्लेखनीय कामगिरी बजावणारे मोठ्या संख्येने उपस्थित होते.त्यानुसार मान्यवरांच्या हस्ते राज्यस्तरीय पुरस्कार सोहळा पार पाडण्यात आला. सदर पुरस्कार सोहळ्यास गडचिरोली जिल्ह्याच्या देसाईगंज तालुक्यातील पोटगाव येथील गेली १० वर्षांपासून पूर्व विदर्भातील चारही जिल्ह्यात विविध सामाजिक, समाजपयोगी उपक्रम राबवित असलेल्या व समाजसेवा क्षेत्रात उल्लेखनीय कार्य करणाऱ्या युवा समाजसेविका कुमारी पुनम नानाजी कुथे यांना “राज्यस्तरीय क्रांतिज्योती आदर्श महिला पुरस्कार- २०२५”  देऊन उपस्थित मान्यवरांच्या हस्ते सन्मानित करण्यात आले आहे.पुरस्काराच्या स्वरूपात सन्मानचिन्ह,शाल,श्रीफळ आणि सन्मानपत्र देण्यात आले.सदर कार्यक्रमास आदर्श सरपंच पुरस्कार प्राप्त  भास्कर पेरे पाटील (ग्रा.पं.पाटोदा,छ.संभाजीनगर), श्वेता परदेशी ( मिसेस इंडिया विजेत्या) लातूर,असे अनेक नामवंत व्यक्ती उपस्थित होते.

जागतिक स्तरावरील ५० पेक्षा जास्त पुरस्काराने सन्मानित👇

विषमतेला बाजूला सारत,समतेचा वसा घेऊन, मानवतेसाठी करीत असलेल्या समाजसेवेच्या कार्याला लक्षात घेत,देश-विदेशातील ५० पेक्षा जास्त नावाजलेल्या संस्थांनी राष्ट्रीय,आंतरराष्ट्रीय स्तरावरील विशेष पुरस्कार देऊन कुमारी.पुनम कुथे यांना आजवर सन्मानित केलेले आहे.यामध्ये विशेषतः राज्यस्तरीय आदर्श युवती पुरस्कार,सावित्रिज्योती राज्यस्तरीय पुरस्कार,जिनिअस बुक ऑफ वर्ल्ड रेकॉर्ड,महाराष्ट्र भूषण प्रेरणा पुरस्कार,युथ आयकॉन अवॉर्ड,नॅशनल बेस्ट युथ सोसियल अवॉर्ड,अश्या ५० पेक्षा जास्त जागतिक स्तरांवरील पुरस्कारांवर यांनी आपले नाव कोरून,गडचिरोली जिल्ह्याची व पोटगाव या लहानशा गावची सामाजिक क्षेत्रात एक वेगळीच ओळख,संपूर्ण देशात निर्माण केलेली आहे.