अखेर सरपंच संतोष देशमुख हत्या प्रकरणी वाल्मिक कराडवर मकोका अंतर्गत गुन्हा दाखल..

बीड :-जिल्ह्याच्या केज तालुक्यातील मस्साजोग गावातील सरपंच संतोष देशमुख हत्या प्रकरणी पोलिसांनी आतापर्यंत सात आरोपींना अटक केली असून एक आरोपी अद्यापही फरार आहे.वाल्मीक कराड सोडून इतर सात आरोपींवर मोकका(मोक्का) लावण्यात आला होता.प्रकरणात मंत्री धनंजय मुंडे यांचे निकटवर्तीय असलेले वाल्मिक कराड यांचा हात असल्याचा आरोप करण्यात येत आहे.त्यामुळे उशिरा का होईना अखेर वाल्मिक कराडवर मकोका अंतर्गत गुन्हा दाखल करण्यात आला आहे.मकोका लावल्यानंतर सीआयडी कोठडीची मागणी करण्यात येणार आहे.सरपंच संतोष देशमुख्य यांच्या हत्येप्रकरणात वाल्मिक कराडवर हत्येच्या कटात सहभागी असल्याचा आरोप करीत हा मकोका लावण्यात आला आहे.संतोष देशमुख यांच्या कुटुंबीयांसह, गावकऱ्यांचीही वाल्मिक कराडवर मकोका लावण्याची मागणी होती.त्यानुसार आज मंगळवारी वाल्मीक कराडला केज न्यायालयासमोर हजर करण्यात आले होते.दोन्ही पक्षाकडून युक्तीवाद सुरू होता.त्यानंतर आता त्याच्यावर मकोका लावण्यात आला आहे.तसेच वाल्मीक कराडला १४ दिवसांची न्यायालयीन कोठडी सुनावण्यात आली आहे.