अचानकपणे वाघ आला समोर अन् उडाली भंबेरी..!

चंद्रपूर :-जिल्ह्यात वाघांच्या संखेसह मानव-वन्यजीव संघर्ष वाढीस लागला आहे.सध्या स्थितीत

जंगल परिसर,शेत बांधावर तसेच अन्य ठिकाणी बऱ्याचदा वाघ तसेच हिंस्त्र प्राण्यांचे दर्शन होत असते.अशातच एखादेवेळी वाघ जर कां अचानकपणे सामोरा-समोर येऊन उभा राहिला तर..! काळजाचा ठोका बंद पडल्याशिवाय राहणार नाही.असाच काहीसा प्रकार चंद्रपूर जिल्ह्याच्या सिंदेवाही तालुक्यातील जंगल परिसरात उघडकीस आला आहे.सिंदेवाहीपासून जवळच असलेल्या कच्चेपार मार्गावर एका कारच्या समोर रात्रीच्या सुमारास चक्क पट्टेदार वाघ आला.कारच्या अगदीच जवळच वाघ आल्याने चालकासह अन्य प्रवाशांची भंबेरी उडाली.त्यातील काहींनी चित्रीकरण केले.त्यानंतर वाघ जंगलाच्या दिशेने निघून गेला. यासंदर्भातील व्हिडीओ सोशल मीडियावर प्रचंड व्हायरल झाला आहे.