- Advertisement -
- Advertisement -
- Advertisement -
- Advertisement -
उद्रेक न्युज वृत्त
भंडारा :-ट्रॅक्टरच्या चाकाखाली आल्याने दुचाकीस्वार जागीच ठार झाला असल्याची दुर्दैवी घटना भंडारा जिल्ह्याच्या मोहाडी तालुक्यातील मुंढरी येथील वळणावर काल,रविवारी सायंकाळी घडली.ऐन भाऊबीजेच्या सणाला घडलेल्या या घटनेमुळे हळहळ व्यक्त केली जात आहे.दिनेश पुनाराम झिजोटे वय २८ वर्षे,रा.मुंढरी बुज,असे मृताचे नाव आहे.
मुंढरी येथील दसाराम शेंडे यांच्या मालकीचा एमएच-३६/एल-२६८७ क्रमांकाचा ट्रॅक्टर घेवून चालक रोहा गावाकडून सायंकाळी मुंढरीकडे जात होता.तर मृतक दिनेश हा आपल्या सोबत्यासह मोटारसायकलने गावाकडे जात होता.वळणावर ट्रॅक्टरने मोटारसायकलला समोरून धडक दिली.यात चाकाखाली सापडल्याने दिनेश झिजोटे जागीच ठार झाला,तर गणेश सोनवणे किरकोळ जखमी झाला.घटनेची माहिती करडी पोलिसांना देण्यात आली.ठाणेदार विलास मुढे,राजेश डोंगरे,हेड कॉन्स्टेबल अमित कुंभरे,प्रफुल्ल वालदे, शिपाई बोरकर यांनी घटनास्थळ गाठून पंचनामा केला.मृतदेह तुमसर येथे उत्तरीय तपासणीकरिता पाठविण्यात आला.सदर वळण मार्ग अपघाताला कारणीभूत ठरला असून; वळणावर गतीरोधक लावण्याची गरज आहे.
मृतक दिनेश झिजोटे हा मुंढरी येथील रहिवारी असून; तो बांधकाम मिस्त्री होता.करडी येथील राजू नवखरे यांच्याकडे बांधकाम सुरू असल्याने काम आटोपून तो मोटारसायकलने मित्रासह गावाकडे जात होता.मात्र, काळ बनून आलेल्या ट्रॅक्टरने त्याचा घात केला. ऐन दिवाळसणात भाऊबीजेच्या दिवशी त्याच्या अपघाती मृत्यूमुळे कुटुंबावर मोठा आघात झाल्याने गावात शोककळा पसरली आहे.
- Advertisement -
