२८ वर्षीय तरुणाची चाकू भोसकून निर्घृणपणे हत्या..!

चंद्रपूर :-एका २८ वर्षीय तरुणाची अज्ञात चार तरुणांनी चाकू भोसकून निर्घृणपणे हत्या केल्याची  खळबळजनक घटना काल,शुक्रवारी २७ डिसेंबरच्या रात्री दहा वाजताच्या सुमारास मुल येथे घडली.त्यामुळे शहरात काहीकाळ तणावाची परिस्थिती निर्माण झाली होती.रीतिक अनिल शेंडे वय २८ वर्षे रा.मुल असे हत्या झालेल्या तरुणाचे नाव आहे.

याबाबत अधिक माहिती अशी की,काल शुक्रवारी रात्री रोहीत शेंडे हा पंचायत समिती नजिक असलेल्या नगर पालिकेच्या बस थांबा शेड मध्ये बसला होता.अशातच अचानकपणे येत चार युवकांनी त्याच्यासोबत वाद घातला.वाद सुरू असतांनाच चाकूने पोटावर आणि पाठीवर सपासप वार करून त्याला गंभीर जखमी केले.रक्ताच्या थारोळ्यात पडलेल्या रोहीतला काही नागरिकांनी मूल येथील उपजिल्हा रुग्णालयात दाखल केले.तपासणी अंती डॉक्टरांनी त्याला मृत घोषित केले.घटनेची माहिती शहरात वाऱ्यासारखी पसरताच  रात्री नागरिकांनी घटनास्थळी आणि पोलिस ठाण्यात  मोठा जमाव गोळा झाला होता.घटनेच्या निषेधार्थ आज,शनिवारी मूल मध्ये कडकडीत बंद पुकारण्यात आला.घटनेनंतर मूलमध्ये पोलिस बंदोबस्त चोख ठेवण्यात आला आहे.दंगा नियंत्रण पथक सुद्धा तैनात करण्यात आले आहे.