उद्रेक न्युज वृत्त
देसाईगंज(गडचिरोली) :- विक्रम संवत २०८० पौष शुक्ल द्वादशी दिनांक- २२ जानेवरी २०२४ रोजी सोमवारला श्रीराम जन्मभूमी मंदिर अयोध्येतील भूतलाच्या गर्भगृहात श्रीरामाचे बाल स्वरूपाचे प्राण-प्रतिष्ठा होणार असून हिंदू-सनातन समाजाच्या गौरवान्वित ऐतिहासिक दिनाला देश भरात तसेच गांवो-गांवी..घरो-घरी दिवाळी सारखा आनंदोत्सव साजरा करण्याचे नियोजन होत असल्याने आज २४ डिसेंबर रोजी आरमोरी विधानसभा क्षेत्राचे आमदार कृष्णा गजबे व मान्यवरांच्या प्रमुख उपस्थितीत श्रीराम जन्मभूमी प्राण-प्रतिष्ठा समिती देसाईगंजची पूजित-अक्षता बैठक आज दुपारी १२ वाजेच्या सुमारास आदर्श महाविद्यालय देसाईगंज याठिकाणी संपन्न झाली.
श्रीराम जन्मभूमी मंदिर अयोध्या करीता देश वासियांनी तन-मन धनाने निधी समर्पण करून मोलाचे सहकार्य केले.देश वासियांच्या सहकार्याने दिनांक- २२ जानेवरी २०२४ रोजी श्रीराम जन्मभूमी मंदिर अयोध्येतील भूतलाच्या गर्भगृहात श्रीरामाचे बाल स्वरूपाचे प्राण-प्रतिष्ठा होणार आहे.प्राण-प्रतिष्ठा पूर्वी अयोध्यावरून निमंत्रणाचे ” पूजित-अक्षता ” देसाईगंज (वडसा) तालुक्याला पोहचले असून सदर पूजित-अक्षता गांवो-गांवी… घरो-घरी… पोहचविण्या करिता आज पूर्व तयारी नियोजन बैठक आयोजित करून दिवाळी सारखा आनंदोत्सव सण साजरा करण्यात येणार आहे.देसाईगंज श्रीराम जन्मभूमी प्राण-प्रतिष्ठा पूजित-अक्षता समितीच्या बैठकी प्रसंगी जिल्हा मंत्री विहीप चंद्रपूर तथा जिल्हा अभियान प्रमुख श्रीराम मंदिर नियत क्षेत्र,अयोध्या स्थित ब्रम्हपुरीचे राजेंद्र ठाकरे, आरमोरी विधानसभा क्षेत्राचे आमदार कृष्णा गजबे, जिल्हा मंत्री शैलेश तिवारी,अभियान प्रमुख शिध्येश दहिकर,सदर बैठकीस तालुक्यातील प्रमुख मान्यवर मोठ्या संख्येने उपस्थित होते.सदर पूजित-अक्षता बैठीकीचे आभार प्रदर्शन देसाईगंज भाजपा तालुक्याचे तालुकाध्यक्ष सुनीलभाऊ पारधी यांनी मानले.
