विकासाचा झंझावात करूनही मंत्रिमंडळामध्ये स्थान नाहीच; चंद्रपूर जिल्हा मंत्री पदाविना पोरका..

चंद्रपूर :-महायुतीच्या मंत्रीमंडळाचा काल,रविवारी १५ डिसेंबरला शपथविधी सोहळा पार पडला.भाजपचे प्रदेशाध्यक्ष चंद्रशेखर बावनकुळे यांच्यासह ३३ कॅबिनेट मंत्री तर ६ राज्यमंत्र्यांनी शपथ घेतली.यात भाजपच्या सर्वाधिक १९ जणांचा समावेश आहे.तर शिवसेनेच्या ११,तर राष्ट्रवादी काँग्रेसच्या ९ जणांचा समावेश आहे.गेल्या मंत्रिमंडळातील काही जणांना डच्चू देत यंदा महायुतीमधील तिन्ही पक्षांनी मिळून २५ नवे चेहरे दिले आहेत.अशातच सलग ३० वर्षे आमदार असलेले सुधीर मुनगंटीवार यांना यावेळी मंत्रिमंडळामध्ये स्थान मिळालेले नसल्याने चंद्रपूर जिल्हा मंत्री पदाला पोरका झाल्याचा संताप जिल्हावासियांकडून व्यक्त होत आहे.

राजकीय कारकीर्द सुरू केल्यानंतर सुधीर मुनगंटीवार यांनी आपल्या मतदारसंघासह चंद्रपूर जिल्ह्यामध्ये विकासाचा झंझावात निर्माण केला.देवेंद्र फडणवीस मुख्यमंत्री असतांना सुधीर मुनगंटीवार अर्थमंत्री होते. त्यांनी स्वातंत्र्यानंतरचे पहिले ‘सरप्लस’ बजेट महाराष्ट्राला दिले.या शिवाय ५० कोटी वृक्षारोपण करीत त्यांनी गिनीज बुक ऑफ वल रेकॉर्डमध्ये स्थान मिळवले.अगदी पंतप्रधान नरेंद्र मोदी यांनी देखील ‘मन की बात’मध्ये सुधीर मुनगंटीवार यांच्या कार्याची दखल घेतली होती.