वंचित बहुजनांच्या हक्काचा लढा उभारणाऱ्या बाळासाहेबांना बळ द्या… – वंचित बहुजन आघाडीचे राज्य उपाध्यक्ष कुशल मेश्राम

देसाईगंज(गडचिरोली):-आंबेडकरी चळवळीच्या माध्यमातुन संपुर्ण महाराष्ट्रात अनुसूचित जाती, जमाती तसेच ओबिसींचे संवैधानिक अधिकार प्राप्त करुन देण्यासाठी सातत्याने लढा उभारणाऱ्या प्रकाश उर्फ बाळासाहेब आंबेडकर यांना बळ देण्यासाठी सर्व समाज घटकांनी सहकार्य करावे; असे आवाहन वंचित बहुजन आघाडीचे राज्य उपाध्यक्ष कुशल मेश्राम यांनी केले आहे.

देसाईगंज येथील सिंधु भवन येथे आरमोरी विधानसभा क्षेत्रातिल वंचित बहुजन आघाडीचा भव्य पक्षप्रवेश व कार्यकर्ता मेळावा आयोजित करण्यात आला.या मेळाव्याला संबोधित करतांना कुशल मेश्राम म्हणाले की,कॉंग्रेस व भाजप सातत्याने एससी,एसटी ओबिसींची दिशाभुल करुन आरक्षण संपविण्याचे काम करित आहे.लोकसभा निवडणुकीत भाजपने संविधान बदलायचे आहे; असे वातावरण निर्माण केले तर कॉंग्रेसने या देशाचे संविधान वाचवायची ही शेवटची संधी असल्याचा भ्रम निर्माण केला. आंबेडकरी समाजाने या देशाचे संविधान वाचवायचे आहे म्हणून न मागता कॉंग्रेसला मतदान केले.जेव्हा सर्वोच्छ न्यायालयाने एससी,एसटी आरक्षणाचे वर्गिकरण करण्याचा व क्रिमिलेयर लावण्याचा निर्णय जाहिर केला; त्याची अंमलबजावणी कॉंग्रेसची सत्ता असलेल्या कर्णाटक व तेलंगाना राज्य  सरकारने  केली.मग कॉंग्रेस पक्ष एससी,एसटींचा हितचिंतक कसा असु शकतो; असा सवालही या प्रसंगी उपस्थित केला.वंचित बहुजनांना न्याय मिळवुन देण्यासाठी बाळासाहेब आंबेडकर सातत्याने लढा उभारत असुन ओबिसींच्या आरक्षणात मराठ्यांनी ढवळाढवळ करु नये; यासाठीही लढा उभारत आहेत.आरमोरी विधानसभा क्षेत्रात वंचित बहुन आघाडीचा आमदार निवडुन देऊन बाळासाहेब आंबेडकरांना बळ द्यावे; असे आवाहनही या प्रसंगी केले.या कार्यक्रमात अनिल दहलानी,सरिता भैसारे यांचेसह ३० कार्यकर्त्यांनी पक्ष प्रवेश केला.सोबतच आंबेडकरी चळवळित सतत कार्य करणाऱ्या ४० वयोव्रूद्ध कार्यकर्त्यांचा शाल श्रिफळ देऊन सन्मान करण्यात आला.

कार्यक्रमाला राज्य उपाध्यक्ष कुशल मेश्राम,  जिल्हाध्यक्ष बाळुभाऊ टेंभुर्णे,विधानसभा प्रभारी तथा जिल्हा महासचिव राजरतन मेश्राम,महिला आघाडी जिल्हाध्यक्ष प्रज्ञा निमगडे,जिल्हा संघटक भिमराव शेन्डे,जि.के.बारसिंगे,योगेन्द्र बांगरे,विलास केळझरकर, कवडु दुधे,नर्मदा मेश्राम,कोरची तालुकाध्यक्ष सुदाराम सहारे,अशोक कऱ्हाडे,कुरखेडा तालुकाध्यक्ष तुळशिराम नंदेश्वर,आरमोरी तालुकाध्यक्ष जगदिश दामले,देसाईगंजचे विनोद मेश्राम,आशिष घुटके,एन, आर,रामटेके,उद्धवराव खोब्रागडे,नानाजी कऱ्हाडे, लक्षमन नागदेवते,प्रविन रामटेके,उमाकांत बन्सोड, जगन बन्सोड,अभिमन्यु बन्सोड,शिवाजी मेश्राम, विनोद लांजिकर,ज्योती दहिकर यांचेसह वंचित बहुजन आघाडिचे शेकडो कार्यकर्ते उपस्थित होते.

कार्यक्रमाचे सुत्रसंचालन अशोक मेश्राम यांनी केले.तर आभार प्रदर्शन शिवदास बन्सोड यांनी मानले.