रेस्टॉरंट चालकाला बेदम मारहाण व केस डायरी चोरून नेल्या प्रकरणी दोन पोलीस निलंबित…

वेस्ट हायकोर्ट रोडवरील फर्जी कॅफेमध्ये ३१ डिसेंबरच्या रात्री पार्टीदरम्यान एका रेस्टॉरंटचे संचालक सायरस चेंगचा एका महिलेशी वाद झाला. महिलेने सायरसविरुद्ध तक्रार केली.याचा तपास महिला पीएसआय कविता जगताप करीत होत्या.अशातच वाकोडेने पोलिस ठाण्याच्या कपाटातून केस डायरी चोरून स्वतः तपास सुरू केला.सायरसलाही त्याने १ जानेवारीला पोलिस ठाण्यात आणले.सायरसला केबिनमध्ये बांधून समाधान कांबळे याच्या मदतीने मारहाण करण्यात आली.कारवाई टाळायची असेल तर पाच लाख रुपये द्यावे लागतील,असे वाकोडेने सांगितले.दरम्यान,केस डायरी चोरीला गेल्याने पोलिस ठाण्यात खळबळ उडाली.कारवाईच्या भीतीने दुसरी केस डायरी तयार करण्यात आली.सायरस यांनी वरिष्ठ अधिकाऱ्यांना या घटनेची माहिती दिल्यानंतर याची चौकशी करण्यात आली.प्राथमिक तपासात या घटनेची पुष्टी झाल्यानंतर दोघांनाही निलंबित करण्यात आले आहे.