रेल्वेरूळ क्रासिंग करतांना ७३ वर्षीय वृद्धाचा रेल्वेच्या धडकेत मृत्यू…

चंद्रपूर :-नागभीड तालुक्यातील आकापूर ते बाळापूर रेल्वे मार्गावरील रेल्वेरुळ क्रॉस करीत असताना ७३ वर्षीय वृद्धाचा रेल्वेच्या धडकेत मृत्यू असल्याची घटना आज, बुधवारी दुपारी साडेबाराच्या सुमारास घडली. विश्वनाथ दुधकुरे वय ७३ वर्षे असे मृताचे नाव आहे.

मिळालेल्या माहितीनुसार,बाळापूर ते आलेवाही दरम्यान आकापूर गावाजवळुन चंद्रपूर-गोंदिया रेल्वेमार्ग आहे.रेल्वेरूळ ओलांडताना आकापूर-डोरली रेल्वे बोगद्या असुन बोगद्यात पाणी साचून असते. त्यामुळे बालापूर,आकापूर,आलेवाही या रस्त्याने जाणारे अनेक वाटसरू बोगदा सोडून रेल्वे क्रासिंग करून ये-जा करीत असतात.दरम्यान आज,बुधवारी सोनापूर (तुकुम) येथील विश्वनाथ दुधकुरे हा इसम रेल्वेक्रासिंग करत होता.गोंदियाकडुन चंद्रपूर कडे जाणाऱ्या रेल्वेने धडक दिल्याने त्याचा जागीच मृत्यू झाला.मृतकाचे शव शवविच्छेदनासाठी ग्रामीण रुग्णालय नागभीड इथे पाठविण्यात आले.बोगद्याचे बांधकाम सदोष असल्याने येथे पाणी साचतो व त्यामुळे या रस्त्याने जाणारे प्रवासी रेल्वेक्रासिंग करून प्रवास करीत असल्यामुळे या बोगद्यांना त्वरीत दुरुस्ती करावे; अशी मागणी नागरिकांनी केली आहे.