देसाईगंज शहरात ईद निमित्त काँग्रेस नेते रामदास मसराम यांच्या वतीने मिठाईचे वितरण…

देसाईगंज(गडचिरोली):-देसाईगंज शहरात मुस्लिम समाज बांधवांच्या वतीने आज,सोमवार दिनांक-१६ सप्टेंबर रोजी ईद-ए-मिलादुन्नबी सण मोठ्या उत्साहात साजरा करण्यात आला.ईद निमित्ताने मुस्लिम समाज बांधवांची देसाईगंज शहरातून रॅली काढण्यात आली. रॅली मध्ये लहानांपासून ते थोरांपर्यंत मुस्लिम समाज बांधव एकत्र येत गळाभेट घेऊन सर्वांना ईद-ए-मिलादुन्नबीच्या शुभेच्छा देत होते.विविध समाज बांधवांच्या वतीनेही शुभेच्छांचा वर्षाव करण्यात आला.अशातच ईद-ए-मिलादुन्नबी निमित्त शहराच्या ब्रम्हपुरी रोड लगत असलेल्या जामा मस्जिद समोर ईद दिनाचे औचित्य साधून सर्व मुस्लिम समाज बांधवांना आरमोरी विधानसभा क्षेत्राचे काँग्रेस नेते रामदास मसराम यांच्या वतीने मिठाईचे वितरण करण्यात आले व पुष्पगुच्छ देत समाज बांधवांना ईद-ए-मिलादुन्नबीच्या शुभेच्छा देऊन सामाजिक एकोपा जपण्यात आला.

यावेळी काँग्रेस नेते रामदास मसराम,मोरू मोहुर्ले, सागर वाढई,स्वप्नील मिसार,जावेद शेख,लंकेश ढोरे, गौरव शिलार,रेशीम प्रधान,दुषांत वाटगुरे,आकाश पेटकुले,रोशन कवासे,गोपाल दोनाडकर आदी उपस्थित होते.