उद्रेक न्युज वृत्त
देसाईगंज(गडचिरोली) :-देसाईगंज शहरातील चौका -चौकात सीसी टीव्ही कॅमेरे बसविण्यात यावे; अशी मागणी आज दिनांक-१८ जून रोजी समाजवादी पार्टी गडचिरोली च्या वतीने निवेदनाद्वारे देसाईगंज नगर परिषदेचे मुख्याधिकारी कुलभूषण रामटेके यांच्याकडे केले आहे.
देसाईगंज शहरात जबरी चोरी तसेच इतर भुरट्या चोऱ्यांचे प्रमाण वाढले आहे.काही दिवसांपूर्वी शहरातील स्थानिक गांधी वॉर्डातील रहिवासी हरिजितसिंग सलुजा यांच्या घरी रात्री १२ वाजेच्या सुमारास अज्ञात चोरट्यांनी १९ लाख रुपयांवर डल्ला मारत पोबारा केला होता.मात्र अजूनही चोरी करणाऱ्या टोळीचा थांगपत्ता अजूनही लागलेला नाही.तसेच देसाईगंज शहरात अनेक बहुरूपी बनाव
घेऊन फिरत आहेत़; अशांची योग्य चौकशी होणे आवश्यक आहे.मागील महिन्यात देसाईगंज शहरा पासून काही अंतरावर जैव विविधता उद्यान नाजिक वडसा-आरमोरी मार्गावर सकाळच्या सुमारास १४ वर्षीय शर्वरी पदमाकर बनकर या युवतीचा अज्ञात वाहणाच्या धडकेत मृत्यू झाला.मात्र,अजूनही सदर वाहणाचा थांगपत्ता लागलेला नाही.अशा घटना शहरात घडू लागल्याने सीसीटीव्ही कॅमेरे बसविण्यात आले असते तर पोलिसांना वाहणाचा शोध घेण्यात सोपे झाले असते.शहरात कोणताही अनुचित प्रकार घडल्यास तात्काळ पुरावे मिळण्याच्या उद्देष्याने देसाईगंज शहरातील संपूर्ण मुख्य चौका-चौकात नगर पालिका प्रशासनाने सीसी टीव्ही कॅमेरे बसविण्यात यावे; अशी मागणी आज मंगळवारी गडचिरोली समाजवादी पक्षाच्या वतीने निवेदनाद्वारे करण्यात आली आहे.
सदर निवेदन सादर करतेवेळी,जिल्हा कोषाध्यक्ष जिब्राईल शेख,देसाईगंज तालुकाध्यक्ष डोमा दिवटे, देसाईगंज तालुका महासचिव प्रीतम जणबंधू,जिल्हा कार्यकारिणी सदस्य जावेद खान तसेच सपाचे विविध पदाधिकारी उपस्थित होते.
