देसाईगंज झाडीपट्टीचे नाट्य कलावंत मुस्ताक शेख यांचा सत्कार..

देसाईगंज(गडचिरोली):-देसाईगंज शहरात वास्तव्यास असणारे तसेच अनेक पौराणिक व ऐतिहासिक नाटकात काम करून रसिक जणांच्या दिलावर राज करणारे झाडीपट्टीचे नाट्य कलावंत मुस्ताक जमील शेख यांचा नुकताच नागपूर येथे पार पडलेल्या अखिल भारतीय मराठी विभागीय नाट्य संमेलनात उपस्थित मान्यवरांच्या हस्ते सत्कार करण्यात आला.

गडचिरोली जिल्ह्याच्या देसाईगंज तालुक्यातील झाडीपट्टी नाट्य रंगभूमीची नाटके सर्वत्र मोठ्या प्रमाणावर गाजू लागली आहेत.झाडीपट्टी रंगभूमीच्या

माध्यमातून समाजप्रबोधन,वास्तविकता,सत्यता, मनोरंजन तथा इतर पौराणिक व ऐतिहासिक नाटकांचे सादरीकरण कलावंत करीत असतात.त्यातच देसाईगंज रंगभूमीचे गाजलेले नाटक ‘भाकर’ याचे ७०० च्या वर नाट्य प्रयोगाचे सादरीकरण कलावंतांच्या माध्यमातून करण्यात आले आहे. सदरच्या नाटकात तसेच अनेक पौराणिक व ऐतिहासिक नाटकात मुस्ताक जमाल शेख यांनी उत्कृष्ट कलेचे सादरीकरण करून रसिक जणांची मने जिंकून  झाडीपट्टी रंगभूमीवरील सेवेबद्दल कलावंत म्हणून मान्यवरांच्या हस्ते सत्कार करण्यात आला. नागपूर येथे पार पडलेल्या विभागीय नाट्य संमेलनात नाटक,मालिका आणि चित्रपट क्षेत्रातील सुप्रसिद्ध कलावंतांची तसेच मान्यवर मंडळींची व रसिकांची उपस्थिती होती.