‘तु माझ्याशी कां बोलत नाही’.! म्हणत अल्पवयीन प्रेयसीने हाताची नस कापली.. -देसाईगंज तालुक्यातील घटना..

देसाईगंज(गडचिरोली):-हल्ली अल्पवयीन मुला- मुलींचे प्रेम-प्रकरण सर्वत्र मोठ्या प्रमाणावर चांगलेच बहरून येऊ लागल्याच्या घटना सर्वत्र उघडकीस येत आहेत.अनेकजण प्रेमासाठी वाट्टेल ते म्हणीत पळून जाणे,आत्महत्या करणे व नाना तऱ्हेचे प्रेमाच्या आणाभाका टाकून टोकाचे पाऊल उचलत आहेत. अशातच एका अल्पवयीन मुलीने ‘तु माझ्याशी कां बोलत नाही’.! असे म्हणीत चक्क आपल्या डाव्या हाताची नस कापल्याची घटना काल,सोमवारी ३ मार्चला देसाईगंज तालुक्याच्या कोंढाळा गावात दुपारच्या सुमारास घडली असून आज,मंगळवारी उघडकीस आली.वेळेवर उपचार झाल्याने १४ वर्षीय तरुणी थोडक्यात बचावली आहे. मात्र,नस कापलेल्या हाताच्या जागेवर बारा टाके लागल्याची माहिती आहे.दोघेही प्रेमी हे अल्पवयीन तसेच शालेय शिक्षण घेत असल्याने पोलीस कारवाई टाळण्यात आली.

याबाबत अधिक माहिती अशी की,कोंढाळा गावातील

१४ वर्षीय तरुणी आणि १६ वर्षीय तरुणाचे बऱ्याच दिवसांपासून प्रेम बहरून येत आहे.प्रेमात रुसवे-फुगवे हे सुरूच असतात.सर्वकाही सुरळीत सुरू असतांना तरुणाने काही कारणास्तव प्रेयसीशी बोलणे बंद केले.

अशातच काल सोमवारी आपला प्रियकर कां बोलत नाही म्हणून तरुणीने प्रिकरास भेटण्याचा बेत आखला.भेटी दरम्यान ‘तु माझ्याशी कां बोलत नाही’.! ‘मी तुझ्यासाठी जीव देतो’ म्हणीत गावातील एका दुकानातून एक रुपयाचा ब्लेड घेऊन प्रियकरासमोरच डाव्या हाताची नस कापली.नस कापताच रक्तबंबाळ अवस्थेत तरुणीला रुग्णालयात दाखल करण्यात आले.घडलेला प्रकार पाहून काहीकाळ रुग्णालयातील डॉक्टरांचीही तारांबळ उडाली. डॉक्टरांनी लगेच उपचार करून जखमेवर बारा टाके लावले.त्यातच एका सामाजिक कार्यकर्त्याने मध्यस्थी करीत सदर प्रकरण पोलिसांत जाऊ नये, याकरीता प्रयत्न केले.