अवैध तंबाखूची वाहतूक करतांना दोघे सापडले; एकजण देसाईगंजचा तर दुसरा कुरुड गावचा..

अवैधरीत्या सुगंधित तंबाखूची वाहतूक करण्यात येत असल्याची गोपनीय माहिती स्थानिक गुन्हे शाखेच्या पथकास  मिळाली होती.या माहितीच्या आधारे स्थानिक गुन्हे शाखेच्या पथकाने गोंदिया बालाघाट मार्गावरील विजयनगर येथे नाकाबंदी केली.टाटा नेक्सॉन चारचाकी वाहन क्रमांक एमएच ३५ एसी ६३६९ हा संशयित वाहन येताच वाहनाची तपासणी केली असता,९ नग खाकी रंगाचे खरडे बॉक्स,त्यात प्रत्येक बॉक्समध्ये २०० डब्बे असा एकूण २ लाख ७० हजार रूपये व वाहनाची किंमत १० लाख रुपये असा एकूण १२ लाख ७० हजारांचा माल जप्त करण्यात आला.सदरची कारवाई ही गोंदिया जिल्हा पोलिस अधीक्षक गोरख भामरे यांच्या निर्देशानुसार गोंदिया स्थानिक गुन्हे शाखेचे पोलीस निरीक्षक पुरुषोत्तम अहेरकर यांच्या मार्गदर्शनाखाली एपीआय धिरज राजुरकर, पोलिस हवालदार संजय चव्हाण, सहाय्यक फौजदार राजू मिश्रा,सोमेंद्रसिंह तुरकर, तुलसीदास लुटे, दीक्षितकुमार दमाहे,राकेश इंदुरकर, चालक पोलिस शिपाई राम खंडारे यांनी केली आहे.