आज मुख्य कार्यकारी अधिकारी यांची शिवराजपुर ग्रामपंचायतीला भेट; विविध विकास कामांची पाहणी..

देसाईगंज(गडचिरोली):-देसाईगंज तालुक्यातील शिवराजपुर गट ग्राम पंचायत येथे आज,बुधवार २५ मार्च रोजी ‘मुख्यमंत्री पंचायत राज अभियान’ अंतर्गत गडचिरोली जिल्हा परिषदेचे मुख्य कार्यकारी अधिकारी सुहास गाडे यांनी भेट देत विविध विकास कामांची पाहणी केली.यामध्ये ग्राम पंचायत भवनासह जिल्हा परिषद प्राथमिक शाळेतील विद्यार्थ्यांची भेट घेत त्यांचे कौतुक करून शुभेच्छा दिल्या व भरतीपात्र विद्यार्थी-पालक यांची सुद्धा भेट घेतली.त्याचबरोबर, अंगणवाडी, आरोग्य उपकेंद्र,स्मशानभूमी,प्रयास महिला प्रभागसंघ, गरोदर माता,संगणक कक्ष,ज्ञानज्योती वाचनालय अशा विविध विकास कामांची पाहणी करून प्रशंसा केली.या प्रसंगी देसाईगंजचे बीडीओ रवींद्र भाबड,लाडे विस्तार अधिकारी(पंचायत),श्रीरामे विस्तार अधिकारी(कृषी) प्रामुख्याने उपस्थित होते.यांचेसह शिवराजपुर गट ग्राम पंचायतीच्या प्रशासक सुषमा सयाम,प्रशासक समिती सदस्य रमेश वाढई,सदस्य प्रमोद झिलपे,दीपक प्रधान, ग्राम पंचायत अधिकारी व्ही.टी.मैंद,ताटपलान मुख्याध्यापक जिल्हा परिषद प्राथमिक शाळा,पत्रकार कैलास बगमारे,ग्राम पंचायत कर्मचारी,अंगणवाडी सेविका,आशा वर्कर तसेच प्रयास प्रभाग संघाच्या सदस्य व ग्रामस्थ उपस्थित होते.