उद्रेक न्युज वृत्त
मुख्य संपादक/सत्यवान रामटेके
देसाईगंज (गडचिरोली) :- जगाचा पोशिंदा म्हटल्या जाणाऱ्या माय बाप शेतकरी बांधवांची एक ना एक दिवस तुम्हाला हाय लागणार आहे; हे नक्कीच..! केवळ तुम्ही आपलीच पोळी शेकून “जिथे मिळते दमडी तिथे खाता कोंबडी”असे म्हणणे चुकीचे ठरणार नाही.अशातच तुम्ही कितीही ठिय्या आंदोलन वा आमरण उपोषण करून मरून जा…! आम्हाला त्याच्याशी कसलेही देणे-घेणे नसल्याची हल्ली प्रचिती देसाईगंज तालुक्यातील शेतकरी बांधवांच्या बाबतीत दिसून येत आहे.
मागील काही दिवसांपूर्वी १२ तास कृषी पंपांना वीज पुरवठा करण्यात यावा; यासाठी देसाईगंज तालुक्यातिल कृषी पंपधारकांनी आंदोलन उभारले होते.तेव्हा स्थानिक आमदारांशी चर्चा करुन ३ दिवसात आरमोरी विधानसभा क्षेत्रासह गडचिरोली जिल्ह्यातिल शेतकऱ्यांना सुरळित विज पुरवठा केला जाईल,अशी ग्वाही दिली.परंतु तब्बल १५ दिवस उलटुनही विजपुरवठा होत नसल्याने पिक धोक्यात आल्याने शेकडो शेतकरी भुमिपुत्रांनी सामाजिक कार्यकर्ते रामदास मसराम यांच्या नेतृत्वात देसाईगंजच्या उपविभागिय कार्यालयावर मोर्चा च्या माध्यमातुन धडक दिली.शेतकऱ्यांच्या मागण्या पुर्ण होईपर्यंत आमरण उपोषणाची सुरुवात कोरेगांवचे शेतकरी श्याम मस्के पाटिल यांनी केली.त्यानुसार दिनांक- २६ फेब्रुवारी २०२४ पासून तालुक्यातील शेतकरी बांधवांचा ठिय्या आंदोलन तसेच श्याम मस्के यांच्या आमरण उपोषणाचा आजचा तिसरा दिवस असूनही याकडे कुणीही लक्ष घालीत नसल्याने आज दिनांक – २८ फेब्रुवारी रोजी देसाईगंज तालुका काँग्रेस कमिटीच्या वतीने शेतकरी बांधवांच्या ठिय्या आंदोलन तसेच आमरण उपोषण स्थळी भेट देऊन सदर आंदोलनाची तात्काळ प्रशासनाने दखल घेऊन शेतकऱ्यांना त्यांच्या मागणीनुसार वीजपुरवठा व इतर मागण्या मान्य करून शेतकऱ्यांना व उपोषणकर्ता शेतकरी श्याम मस्के यांना दिलासा द्यावा; अशी मागणी करीत सदर शेतकऱ्यांच्या ठिय्या आंदोलन व आमरण उपोषणास बसलेले उपोषणकर्ते शेतकरी श्याम मस्के यांना देसाईगंज तालुका कॉंग्रेस कमिटीच्या वतीने पूर्णपणे पाठिंबा जाहीर करण्यात आला आहे.
