गडचिरोली आगाराच्या बसची दुचाकीस्वार तरूणास धडक; तरुण जागीच ठार…

भंडारा :-गडचिरोली आगाराच्या बसने दुचाकीस्वार तरूणाला धडक देताच दुचाकीस्वार तरुण जागीच ठार झाल्याची घटना काल,मंगळवारी २४ डिसेंबरला

पवनी तालुक्यातील निलज येथील इंडियन ऑइल पेट्रोलपंप समोर घडली.सदर तरुण हा आपल्या दुचाकीने दूध घेऊन जात होता.अशातच गडचिरोली आगाराची एमएच ४०सीएच-५९०२ क्रमांकाची बस ही शाळेची सहल घेऊन नागपूरला जात होती. दरम्यान,निलज येथील इंडियन ऑइल पेट्रोल पंपा समोरील रस्ता ओलांडणाऱ्या ताराचंद राऊत याला बसने धडक दिली.बसने धडक देताच ताराचंद हा दुचाकीने फरफटत खाली कोसळला,यात तो गंभीर जखमी होऊन जागीच मृत्युमुखी पडला.सदर घटनेची माहिती मिळताच पवनी पोलिसांनी घटनास्थळ गाठून पंचनामा केला.तर अपघात झालेली बस पवनी येथील आगारामध्ये जमा करण्यात आली.घटनेचा पुढील तपास पवनी पोलिस प्रशासन करीत आहे.