गडचिरोलीच्या युवकाचा मूल तालुक्यात मृत्यू.. – दुचाकीवरील नियंत्रण सुटले

चंद्रपूर :-गडचिरोलीच्या युवकाचा मूल तालुक्यातील चांदापूर फाट्याजवळील गोसीखुर्द नहराजवळ दुचाकीवरील नियंत्रण सुटल्याने दोघेही नहरात पडल्याने एक जण ठार तर एक जखमी झाल्याची घटना काल,मंगळवारी २८ जानेवारी सकाळी घडली. हेमंत परितोष गाईन वय २२ वर्षे,रा.जयनगर जि.गडचिरोली असे मृतकाचे नाव आहे.

चंद्रपूरवरून मूल मार्गाने चामोर्शीकडे सकाळी ६ वाजता हेमंत गाईन व मुकेश माकन बाला हे दोघे एम. एच.३३ ए.एच.३६५५ क्रमांकाच्या दुचाकीने जात होते.चांदापूर फाट्याजवळील गोसेखुर्द नहरा जवळ दुचाकीवरील नियंत्रण सुटल्याने दोघेही नहरात कोसळले.नहर खोल व कोरडा असल्याने दोघांनाही जबर मार लागला.त्यात हेमंत हा जागीच ठार झाला तर मुकेश जखमी झाला.या महामार्गावरील वळण धोकादायक आहे. उपाययोजना केली नाही तर आणखी अपघात होण्याची शक्यता नाकारता येत नाही. बांधकाम विभागाने उपाययोजना करावी, अशी मागणी होत आहे.