खासगी स्कूल व्हॅनने सायकलवरून जाणाऱ्या विद्यार्थ्याला दिली धडक… -१० वर्षीय विद्यार्थ्याचा मृत्यू; आजची घटना

भंडारा :-१० वर्षीय विद्यार्थ्याचा भरधाव असलेल्या स्कूल व्हॅनने सायकलवरून जात असतांना धडक दिल्याने मृत्यू झाल्याची घटना आज,मंगळवार १ ऑक्टोंबर रोजी सकाळच्या सुमारास भंडारा तालुक्यातील भोजापूर मार्गावर घडली.आदित्य रुपचंद बागडे वय १० वर्षे,रा.भोजापूर असे मृत विद्यार्थ्याचे नाव आहे.आदित्य हा भंडारा येथील संत शिवराम शाळेत इयत्ता ४ थीच्या वर्गात शिकत होता.तो सकाळी नेहमीप्रमाणे सायकलने गावाशेजारी फिरायला गेला होता.परत येताना खासगी स्कूल व्हॅनने त्याच्या सायकलला धडक दिली.यात आदित्यचा मृत्यू झाला.या अपघातात स्कूल व्हॅनमधील काही विद्यार्थ्यांनाही दुखापत झाल्याची माहिती आहे.