एकलपुर जंगल परिसरात वाघाने; म्हैस व गायीला केले ठार….- देसाईगंज तालुक्यातील घटना…

उद्रेक न्युज वृत्त

मुख्य संपादक/सत्यवान रामटेके

देसाईगंज(गडचिरोली) :- देसाईगंज तालुक्याच्या एकलपुर जंगल परिसरात काल गुरुवार दिनांक- २३ नोव्हेंबर रोजी सायंकाळी ४.३० वाजेच्या सुमारास एकलपुर गावातील दोन शेतकरी बांधवांच्या म्हैस व गायीला वाघाने ठार केल्याची घटना घडली आहे.

सदर घडलेल्या घटनेत एकलपुर येथील आबाजी दुपारे यांच्या म्हशीला व मोतीराम नागमोती यांच्या गायीला वाघाने ठार केले आहे.सदर घटनेची माहिती मिळताच घटनास्थळी धाव घेऊन; घटनेचा पंचनामा वन क्षेत्र सहाय्यक के.वाय.कऱ्हाडे,वन विभागाचे कर्मचारी यांनी केला असून देसाईगंज तालुक्यातील एकलपुर, गांधीनगर,लाडज व इतर परिसरातील नागरिकांनी सतर्कता बाळगावी असेही आवाहन वन विभागाच्या वतीने करण्यात आले आहे.