उद्याला देसाईगंज दीक्षाभूमी येथे रमाई उत्सवानिमित्त समाज प्रबोधन तथा नाट्य प्रयोगाचे आयोजन..

देसाईगंज(गडचिरोली):-देसाईगंज शहर बौद्ध समाज कोअर कमीटीच्या वतीने उद्या रविवार दिनांक-९ फेब्रुवारीला भारतरत्न डॉ.बाबासाहेब आंबेडकर यांच्या पावन स्पर्श देसाईगंज दीक्षाभूमीवर रमाई उत्सवाचे आयोजन करण्यात आले आहे.रमाई उत्सवाचे औचित्य साधून कमिटीच्या वतीने दुपारी १ वाजे समाज प्रबोधन तर रात्रो ७ वाजेच्या सुमारास ‘रमाई झाली महान’ नाट्यप्रयोगाचे आयोजन करण्यात आले आहे.सदर होऊ घातलेल्या समाज प्रबोधन समारंभाच्या अध्यक्षस्थानी आरमोरी विधानसभा क्षेत्राचे आमदार रामदास मसराम तर उदघाटक आमदार तथा माजी सामाजिक न्याय मंत्री राजकुमार बडोले असणार आहेत.तसेच कार्यक्रमाचे मुख्य मार्गदर्शक म्हणून चंद्रपूर येथील सामाजिक कार्यकर्त्या डॉ.अभिलाषा गावतुरे व पत्रकार,कवी तथा लेखक अविनाश टिपले हे मुख्य मार्गदर्शन करणार आहेत.रात्री ७ वाजताच्या सुमारास कवीवर्य भिमानंद मेश्राम लिखित व दिग्दर्शित डॉ.बाबासाहेब आंबेडकरांच्या सहचरिणी त्यागमुर्ती रमाई यांच्या जिवनावर आधारित ‘रमाई झाली महान’ या नाटकाचे प्रयोग मोफत दाखविण्यात येणार आहे.त्यामुळे

समाज प्रबोधन तथा नाट्य प्रयोगाचा लाभ समस्त जनतेंनी घ्यावा; असे आवाहन देसाईगंज शहर बौद्ध समाज कोअर कमेटीचे अध्यक्ष प्रकाश सांगोळे,प्रवक्ते विजय बन्सोड,सचिव हंसराज लांडगे,कार्याध्यक्ष भिमराव नगराळे,उपाध्यक्ष साजन मेश्राम,सुरज ठवरे सह सुनील सहारे आदिंनी केले आहे.