उद्रेक न्युज वृत्त
तळोधी बा.(चंद्रपूर) :- तळोधी बाळापूर पोलिस स्टेशन अंतर्गत येणाऱ्या चारगाव (चक) येथील नीलकंठ गोपाळा ठाकरे वय ४८ वर्ष याने गावाजवळील शेत शिवारातील विहिरीमध्ये उडी घेऊन आत्महत्या केली.ही घटना काल, बुधवारी दिनांक-३ एप्रिल रोजी सकाळी उघडकीस आली.
वडील रात्री घरी परत न आल्याने सकाळी मुलाने तपास केला असता गावाशेजारी एका विहिरीजवळ दुपट्टा व वडीलाचे जोडे दिसल्याने विहिरीचा अंदाज घेतला असता त्यात त्यांचा मृतदेह आढळला.याबाबत तात्काळ घटनेची माहिती तळोधी पोलिसात मुलाद्वारे दिली असता मर्ग दाखल करून, मृतदेह विहीरीच्या बाहेर काढून शवविच्छेदनासाठी नागभीड ग्रामीण रुग्णालय येथे पाठविण्यात आले.घटनास्थळी तळोधीचे ठाणेदार अजित सिंग देवरे व पी.एस.आय. लांबट यांच्या मार्गदर्शनात पुढील तपास ए.एस.आय. ऊराडे हे करीत आहेत.मृतकला दारूचे व्यसन असल्याने त्याने ही आत्महत्या केल्याचे नातेवाईकांनी म्हटले आहे.
