उद्रेक न्युज वृत्त
चंद्रपूर :- लोकसभा निवडणुकीच्या प्रचारादरम्यान एका राजकीय पक्षाचा बनावट व्हिडिओ तयार करून सोशल मीडियावर व्हायरल केल्याप्रकरणी पोलिसांनी महिनाभरापूर्वी युवक काँग्रेसचे प्रदेश सहसचिव अमोल मुरलीधर वानखेडे आणि अरुण दिवाकर गायकवाड यांच्यावर गुन्हा दाखल केला होता. महिनाभरानंतर नागभीड पोलिसांनी दोघांनाही अटक केली.दोघांना न्यायालयात हजर केले असता त्यांना न्यायालयीन कोठडीत ठेवण्याचे आदेश देण्यात आले आहेत.चंद्रपूर जिल्ह्यातील ब्रह्मपुरी आणि चिमूर विधानसभा मतदारसंघांचा गडचिरोली लोकसभा मतदारसंघात समावेश करण्यात आला आहे.हा लोकसभा मतदारसंघ अनुसूचित जमातीसाठी राखीव आहे.आदर्श आचारसंहितेच्या वेळी दोन्ही आरोपींनी राजकीय पक्षाच्या संदर्भात आक्षेपार्ह व्हिडीओ बनवून सोशल मीडियावर व्हायरल केला होता.याबाबत नागभीड येथील बंडू मधुकर गेडाम यांनी पोलिस ठाण्यात तक्रार दिली होती.तक्रारीच्या आधारे पोलिसांनी आयपीसी कलम आणि अनुसूचित जाती/जमाती प्रतिबंधक कायद्यांतर्गत गुन्हा दाखल केला होता.ॲट्रॉसिटी अंतर्गत गुन्हा दाखल झाल्यानंतर तपास ब्रह्मपुरी उपविभागीय पोलिस अधिकाऱ्यांकडे सोपविण्यात आला.तपासाअंती दोघांनाही शुक्रवारी अटक करून चंद्रपूर न्यायालयात हजर केले असता त्यांना न्यायालयीन कोठडीत ठेवण्याचे आदेश देण्यात आले आहेत.
