अल्पवयीन मुलीला जाळ्यात ओढून अत्याचार; नंतर ब्लॅकमेल करून पैश्याची मागणी.. – १९ वर्षीय युवक बिन भाड्याच्या खोलीत..

भंडारा :-अल्पवयीन मुली प्रेमाच्या जाळ्यात सहजपणे अडकू लागल्याने याचा फायदा घेणाऱ्यांची संख्या कमी नाही.एखादा मुलगा वा व्यक्ती जाळ्यात ओढण्याचा प्रयत्न करीत असतांनाच चपलेने मारीन, नाहीतर पोलिसांत तक्रार दाखल करेन वा त्रास देणाऱ्याची माहिती लगेच घरच्यांना दिली तर कुणाचीही मागे लागण्याची हिंमत होणार नाही.पण आम्ही स्वतःच गप्प राहून इतरांचे त्रास सहन करून बघ्याची भूमिका घेतो.त्यामुळे हल्ली अत्याचार वा इतर प्रकार घडतांना दिसून येतात.अश्यातच एका १९ वर्षीय युवकाने १६ वर्षीय अल्पवयीन मुलीला प्रेमाच्या जाळ्यात ओढून अत्याचार केल्याने तक्रारीअंती युवक बिन भाड्याच्या खोलीत गेला आहे.वेदांत मते वय १९ वर्षे,बोथली,वरठी,जि.भंडारा असे अत्याचार करणाऱ्या आरोपी युवकाचे नाव आहे.युवकाला मुलगी ही अल्पवयीन असल्याचे माहीत असूनही त्याने जबरदस्तीने शारीरिक संबंध प्रस्थापित केले.२७ एप्रिल रोजी शहापूर येथे पीडित मुलीवर शारीरिक अत्याचार केला.अल्पवयीन पीडित मुलगी ही विद्यानगर येथे शिक्षण घेत असून वेदांत याने तिच्याशी मैत्री करून तिचा विश्वास संपादन केला.त्यानंतर इंस्टाग्रामवर खासगी फोटो पाठवण्यास भाग पाडले.खासगी फोटो पाठविल्यानंतर आरोपी युवकास पैश्याची गरज भासली असता,त्याने अल्पवयीन मुलीला पैश्याची मागणी केली.मुलीने पैसे देण्यास नकार देताच ब्लॅकमेल करून खासगी फोटो व्हायरल करण्याची धमकी दिली.त्यामुळे मुलगी घाबरली व घडलेला प्रकार कुटुंबीयांना सांगितला.त्यानुसार भंडारा पोलीस ठाणे गाठून युवकाविरुद्ध तक्रार दाखल केली.प्रकरणी युवकावर भंडारा पोलिस ठाण्यात गुन्हा दाखल करण्यात आला.