अन् मनोज जरांगे पाटील थोडक्यात बचावले; लिफ्ट मध्ये बिघाड धाडकन कोसळली खाली..!

बीड :-लाखो दिलो की धडकन असलेले मराठा

आंदोलक तथा मराठा आरक्षणाचा लढा देणारे मनोज जरांगे पाटील यांचेसह त्यांच्या सहकाऱ्यांचा लिफ्ट मध्ये अपघात घडल्याची घटना आज,रविवार ३ ऑगस्ट रोजी दुपारी अडीच वाजताच्या सुमारास बीड शहरातील शिवाजीराव क्रिटीकल केअर हॉस्पिटलमध्ये घडली.दुसऱ्या मजल्यावर जात असतांना लिफ्टमध्ये बिघाड झाला आणि लिफ्ट थेट खालच्या मजल्यावर जाऊन आदळली.यात मनोज जरांगे पाटील यांना मुक्का मार लागला.लिफ्टचे दरवाजे तोडून जरांगे आणि त्यांच्या सहकाऱ्यांना बाहेर काढण्यात आले.लिफ्टमध्ये क्षमतेपेक्षा अधिक लोक आल्याने ती ओव्हरलोड झाल्याची शक्यता वर्तविण्यात येत आहे.त्यामुळे ही लिफ्ट पहिल्या मजल्यावरून तळमजल्यावर कोसळली.या घटनेने रुग्णालय परिसरात एकच खळबळ उडाली.

मनोज जरांगे पाटील हे आज बीड जिल्हा दौऱ्यावर असून ते बीड शहरातील शिवाजीराव हार्ड केअर सोनोग्राफी हॉस्पिटलमध्ये रुग्णाला भेट देण्यासाठी गेले होते.पण,रुग्णालयाच्या दुसऱ्या मजल्यावर जात असतांना लिफ्टमध्ये बिघाड झाला आणि लिफ्ट थेट जमिनीवर आदळली.यात सुदैवाने मनोज जरांगे पाटीलसह सहकारी थोडक्यात बचावले.