अखेर नागपुरातील हिवाळी अधिवेशन संपन्न… – १७ विधेयक मंजूर तर २ विधेयक प्रलंबित..

नागपूर :-यंदाचे हिवाळी अधिवेशन काही मुद्यांना अनुसरून गाजले तर शेतकरी,लाडकी बहिण योजना व इतर विषयांवर शिक्कामोर्तब करण्यात आले आहे.

नागपुरात तब्बल ६ दिवसांच्या हिवाळी अधिवेशनाची आज,शनिवार २१ डिसेंबरला सांगता झाली असून सदर अधिवेशनात १७ विधेयक मंजूर तर २ विधेयक प्रलंबित आहेत.दरम्यान,विधानसभा अध्यक्ष राहुल नार्वेकर यांनी पुढील अर्थसंकल्पीय अधिवेशन हे येत्या नवीन वर्षातील ३ मार्च रोजी मुंबईत होणार असल्याचे स्पष्ट केले.अधिवेशनात दोन्ही सभागृहात एकूण संयुक्त समितीकडे एक आणि विधान सभेत एक विधेयक प्रलंबित आहे.यंदाच्या विधानसभा निवडणुकीत एकूण ७८ सदस्य नवीन निवडून आले आहेत,तर ५ जण विधानपरिषदेवरून विधानसभेत आले आहेत.नागपूरच्या हिवाळी अधिवेशनात एकूण ६ बैठका झाल्या असून ४६ तास २६ मिनिटे कामकाज झाले आहे.