स्वगावी जातांना उभ्या ट्रकला दुचाकी धडकली; दुचाकीस्वार जागीच ठार..

चंद्रपूर :-दुचाकीने स्वगावी निघालेल्या एका ४५ वर्षीय इसमाचा ‘नो पार्किंगमध्ये’ उभ्या असलेल्या ट्रकला दुचाकी वाहन मागेहून जोरदार धडकल्याने जागीच मृत्यू झाल्याची घटना काल रविवारच्या रात्री नऊ वाजेच्या सुमारास गोंडपिपरी तालुक्याच्या करंजी एमआयडीसीजवळ रस्त्यालगत घडली.अपघातात मनोज भुरेवार वय ४५ वर्षे,रा.धानापूर,ता.गोंडपिपरी,जि.चंद्रपूर यांचा घटनास्थळीच मृत्यू झाला.अपघाताची माहिती मिळताच परिसरातील नागरिकांनी घटनास्थळी मोठी गर्दी करीत संतप्त नागरिकांनी रस्त्यावर उतरून चक्का जाम केला. यामुळे मार्गावरील वाहतूक काहीकाळ विस्कळीत झाली होती.घटनेची माहिती मिळताच पोलीस निरीक्षक रमेश हत्तीगोटे पथकासह घटनास्थळी दाखल होत परिस्थिती नियंत्रणात आणली.करंजी एमआयडीसी जवळील रस्त्यालगत ‘नो पार्किंग’ मध्ये एमएच ३४ बीजे १२३१ क्रमांकाचा ट्रक उभा होता.त्याचवेळेस,मनोज भुरेवार हे दुचाकीने स्वगावी निघाले होते.जात असतांनाच दुचाकी ट्रकला मागून धडकली.धडक बसताच मनोज भुरेवार हे जागीच ठार झाले.अपघातामुळे नागरिक रस्त्यावर उतरले आणि एमआयडीसी परिसरात ठिकठिकाणी उभ्या असणाऱ्या जड वाहनांवर कारवाईची मागणी केली.