शहरी भागात क्युआर कोड असलेली विवाह प्रमाणपत्रे द्या.. – देसाईगंज भाजप पदाधिकाऱ्यांची मागणी..

देसाईगंज(गडचिरोली):-डिजिटल इंडिया मोहिमेअंतर्गत सध्या स्थितीत अनेक शासकीय कागदपत्रे ऑनलाइन आणि सुरक्षित केली जात आहेत.यात विवाह नोंदणी प्रमाणपत्राचाही समावेश आहे.विवाह नोंदणी प्रमाणपत्राला विशेष महत्व प्राप्त झाल्याने नव्याने विवाह झालेल्या मुलीच्या नावात बदल करण्यासाठी विवाह नोंद प्रमाणपत्रावर क्यूआर कोडची आवश्यकता आहे.मात्र, शहरी भागातील विवाह नोंद प्रमाणपत्रांवर अद्याप क्यूआर कोड देण्यात आलेले नसल्याने नव्याने विवाह झालेल्या मुलींना विविध अडचणींना सामोरे जावे लागत असल्याची गरज लक्षात घेता देसाईगंज येथील

भाजप पदाधिकाऱ्यांनी नुकतेच गडचिरोलीचे निवासी उपजिल्हाधिकारी तथा अतिरिक्त जिल्हा दंडाधिकारी आशिष वानखेडे यांना ग्रामीण भागात जसे क्युआर कोड असलेले विवाह प्रमाणपत्र दिले जातात,अश्याच प्रकारे शहरी भागातील विवाह नोंद प्रमाणपत्रांवरही क्युआर कोडयुक्त प्रमाणपत्रे देण्याची मागणी निवेदनाद्वारे केली आहे.

विवाह झालेल्या मुलीच्या नावात बदल करण्यासाठी विवाह नोंद प्रमाणपत्रावरील क्यूआर कोडची आवश्यकता आहे,असे आधार केंद्र चालकांचे म्हणणे आहे.परंतु,शहरी भागात विवाह नोंद प्रमाणपत्रावर अद्याप क्यूआर कोड देण्यात आलेला नाही.त्यामुळे विवाह झालेल्या नवीन मुलींना विविध अडचणींना सामोरे जावे लागत आहे.जसे की,नावात बदल करणे,नवीन बँक खाते उघडणे,मतदान ओळखपत्र तयार करणे तसेच शासकीय योजनांचा लाभ घेणे इत्यादी कामांमध्ये अडथळे निर्माण होत आहेत.ग्रामीण भागात मात्र हेच प्रमाणपत्र क्युआर कोडसह देण्यात येत आहेत.त्यामुळे त्यांचे आधारकार्डवरील नाव,पत्ता व इतर बाबींमध्ये सहजरित्या बदल होत आहे.परंतु शहरातील लाभार्थींना मोठ्या प्रमाणावर त्रास सहन करावा लागत आहे.त्यामुळे शहरी भागातही सदर सुविधा उपलब्ध करून देणे आवश्यक आहे.करीता या बाबीची दखल घेऊन शहरी भागातील विवाह नोंद प्रमाणपत्रांवर क्यूआर कोडची सुविधा तात्काळ उपलब्ध करून द्यावी,अशा प्रकारचे निवेदन आशिष वानखेडे निवासी उपजिल्हाधिकारी तथा अतिरिक्त जिल्हा दंडाधिकारी गडचिरोली यांच्याकडे देण्यात आलेल्या निवेदनाद्वारे देसाईगंज भाजप पदाधिकाऱ्यांनी केली आहे.निवेदन सादर करतेवेळी गडचिरोली जिल्हा सचिव सचिन वानखेडे,देसाईगंज नगर परिषदेचे पाणी पुरवठा सभापती तथा भाजपाचे शहराध्यक्ष सचिन खरकाटे,युवा नेते अब्रार शेख, आशिष खरकटे यांचेसह बहुसंख्य कार्यकर्ते उपस्थित होते.