वैनगंगा नदीत बुडून मृत्यूमुखी; मुख्यमंत्री सहाय्यता निधीतून प्रत्येकी पाच लाख रुपयांची मदत.. – मुख्यमंत्री देवेंद्र फडणवीस यांनी काही तासांतच दिली मंजुरी..

चंद्रपूर :-जिल्ह्याच्या सावली तालुक्यातील व्याहाड (बु.)येथील वैनगंगा नदीपात्रात गडचिरोलीच्या शासकीय वैद्यकीय महाविद्यालयातील आठ विद्यार्थी व्हॉलिबॉल खेळत असतांना बॉल पाण्यात गेला. त्यामुळे एकजण त्याच्या मागे धावला आणि खोल पाण्यात गेला.त्याला वाचविण्याच्या प्रयत्नात तिघे धावले असता,त्यापैकी दोघे आणि खोल पाण्यात गेलेला तरुण बुडाल्याची घटना शनिवार १० मे रोजी घडली.१.पार्थ बाळासाहेब जाधव वय २० वर्षे,रा.पाथरे खुर्द ता.राहुरी जि.अहिल्यानगर, २.गोपाल गणेश साखरे वय २० वर्षे,रा.भडगाव ता.जि.बुलढाणा,३.स्वप्निल उद्धलसिंग शिरे वय २१ वर्षे,रा. रांजणगाव,कमलापूर,वाळूज,छत्रपती संभाजीनगर हे तिघेही वैनगंगा नदीत बुडालेले होते.अश्यातच आमदार सुधीर मुनगंटीवार यांनी विद्यार्थ्यांच्या कुटुंबियांना मदत मिळावी,यासाठी प्रयत्न केले होते.त्यानुसार मुख्यमंत्री देवेंद्र फडणवीस यांनी काही तासांतच प्रत्येकी पाच लाख रुपयांची आर्थिक मदत मंजूर केली आहे.