रोटाव्हेटरमध्ये अडकून मजुराच मृत्यू; शरीराचे झाले तुकडे- आजची घटना..

चंद्रपूर :-गोठ्यात ठेवलेल्या रोटाव्हेटर मधील माती काढत असतांना रोटाव्हेटरमध्ये अडकून एका मजुराचा मृत्यू झाला असल्याची दुर्दैवी घटना आज,बुधवारी सकाळी कोरपणा तालुक्यातील लखमापूर गावात घडली.

कोरपना तालुक्यातील लखमापूर भोयेगाव मार्गावर ट्रॅक्टर मालक-चालक रवींद्र गोपळ वडस्कर यांचा गोठा आहे.गोठ्यात त्यांनी ट्रॅक्टर ठेवलेला होता.सध्या धान कापणीला वेग आल्याने धान कापणी होताच

रोटाव्हेटरच्या हंगामी कामास सुरूवात होते.त्यासाठी वडस्कर यांनी आज,बुधवार १६ ऑक्टोंबरच्या सकाळी रोटाव्हेटरची सफाई करण्यासाठी रमेश शामराव टेकाम वय ४५ वर्षे, रा.लखमापूर यांना रोटाव्हेटर मधील अडकुन असलेली माती काढण्यास सांगितले.माती काढत असतांना चालकाने ट्रॅक्टर सुरू केला.ट्रॅक्टर सुरू करताच रमेश टेकाम हा रोटाव्हेटर मध्ये ओढला गेला.बघता-बघता टेकाम यांच्या शरीराचे तुकडे-तुकडे झाले.यामध्ये त्याचा जागीच मृत्यू झाला.सदर घटनेची माहिती गडचांदूर पोलिसांना देण्यात आली.पोलिसांनी पंचनामा करीत मृतदेह उत्तरीय तपासणीसाठी रुग्णालयात दाखल केले.