उद्रेक न्युज वृत्त
चंद्रपूर :- शहरातील घुटकाळा प्रभागातील रहिवासी पोलिस शिपायाने ४३ वर्षीय सुशील कुंभलवार यांनी घरीच गळफास घेऊन आत्महत्या केली असल्याने सदर घटनेमुळे पोलिस विभागात खळबळ उडाली आहे.आत्महत्येचे कारण अद्यापही स्पष्ट झालेले नाही. सुशिल कुंभलवार हे गडचिरोली पोलिस दलात कर्मचारी होते.जिल्हा बदलीनंतर ते चंद्रपुरात दाखल झाले.५ वर्ष चंद्रपूर शहर पोलिस स्टेशनमध्ये कार्यरत होते.२ वर्षांपूर्वी त्यांची राजुरा पोलिस ठाण्यात बदली झाली होती.याच दरम्यान त्यांची प्रकृती बीघडली.
त्यांच्यावर आठ महिने उपचार सु रू होते.अलिकडेच ते ५ महिन्यांपूर्वी सेवेत कार्यरत झाले.दरम्यान काल शुक्रवार सकाळी घरी कुणीही नसताना त्यांनी आत्महत्या केली. या घटनेमुळे पोलिस विभागात एकच खळबळ उडाली.पोलिसांनी घटनास्थळी पोहोचून मृताचा पंचनामा करून शासकीय रुग्णालयात शव पाठविले. पुढील तपास पोलिस करीत आहे.
