नायलॉन मांजा आढळुन आल्यास कडक कारवाई करणार- देसाईगंज तहसीलदार प्रिती डूडूलकर

देसाईगंज(गडचिरोली):-नवीन वर्षाला नुकतीच सुरुवात झाली असून अवघ्या काही दिवसांवर ‘तीळ गुळ घ्या अन् गोड गोड बोला’ सण म्हणजेच मकर संक्रांतीचा सण राज्यात मोठ्या उत्साहात साजरा करण्यात येतो.सणाच्या अगोदर पासूनच सगळीकडे मोठ्या प्रमाणावर लहानांनपासून ते मोठ्यांपर्यंत पतंग उडवीत असतात.अशातच पतंग उडविण्यासाठी सुती धाग्या ऐवजी नायलॉन मांजा धाग्यांचा वापर केला जातो. नायलॉन मांजा धाग्यांचा वापर केल्यामुळे अनेक ठिकाणी विविध अनुचित प्रकार घडून गळा चिरणे,हात कापणे व इतर घटना उघडकीस आल्या आहेत.त्यामुळे एखादेवेळी जीवितहानी होण्याची शक्यता नाकारता येणार नाही.अशातच कृत्रिम सिंथेटीक नायलॉन मांजाची साठवणूक करून विक्री करणे कायद्याने गुन्हा आहे.त्यामुळे शहरात वा इतर ठिकाणी असे प्रकार दिसून आल्यास तात्काळ निर्बंध लादण्याचे आदेश देसाईगंजच्या तहसिलदार प्रिती डूडूलकर यांनी नुकत्याच पार पडलेल्या बैठकित पारित केले आहे.त्यामुळे नायलॉन मांजा आढळुन आल्यास कडक कारवाई करणार असल्याचे बैठकी प्रसंगी सांगितले आहे.

सदर बैठकीस देसाईगंज पोलीस ठाण्याचे सहाय्यक पोलिस निरिक्षक मनिष गोडबोले,नायब तहसिलदार धात्रक,नगर परिषदेचे पाणि पुरवठा अभियंता आशिष गेडाम यांचेसह बहुसंख्य कर्मचारी उपस्थित होते