जिल्हा परिषद शाळा केशोरी येथे पाककृती स्पर्धा संपन्न..

गोंदिया :-शालेय पोषण आहार योजनेअंतर्गत अर्जुनी मोरगाव तालुक्याच्या केशोरी येथील जिल्हा परिषद केंद्रीय प्राथमिक शाळेत आज,बुधवार १२ फेब्रुवारीला

पाककृती स्पर्धा मोठ्या थाटात पार पडली.पाककृती स्पर्धेस गावातील माता-पालक भगिनी मोठ्या उत्साहाने सहभागी झाल्या होत्या.आयोजित स्पर्धेत गावातील माता-पालक भगिनींनी विविध प्रकारच्या खाद्यपदार्थांचे पक्वान्न तयार केले होते.स्पर्धेचे मूल्यांकन केंद्रातील पदवीधर शिक्षक सोनवाने यांनी केले.त्यानुसार गावातील कल्पना गहाणे यांच्या सर्वोत्कृष्ट पाककृतीची निवड तालुकास्तरीय स्पर्धेसाठी करण्यात आली.स्पर्धेस शाळेतील संपूर्ण शिक्षक वृंदांचे सहकार्य लाभले.सदर स्पर्धेमध्ये सहभाग घेतलेल्या सर्व माता-पालक भगिनींचे शाळेच्या वतीने आभार व्यक्त करीत विजेत्या माता भगिनिस अभिनंदनाचा वर्षाव करत पुढील वाटचालीस शुभेच्छा दिल्या.