गडचिरोलीच्या महिलेची मूल शहरात आत्महत्या..

चंद्रपूर :-गडचिरोलीच्या महिलेने मूल शहरात आत्महत्या केल्याची घटना काल, गुरुवारी १७ एप्रिलच्या दुपारी ४ वाजताच्या सुमारास उघडकीस आल्याने शहरात काहीकाळ एकच खळबळ उडाली होती.अधिक चौकशीअंती महिलेची ओळख पटली आणि सर्वांनी सुटकेचा निःश्वास सोडला.शीला शरद मसराम वय ६० वर्षे, गडचिरोली असे मृतक महिलेचे नाव आहे.

माहितीनुसार,चंद्रपूर जिल्ह्याच्या मूल शहराच्या बसस्थानक परिसराच्या मागे जवळच तलाव आहे. काल,गुरुवारी दुपारच्या सुमारास काही नागरिकांना तलावात महिलेचा मृतदेह तरंगतांना दिसून आला. सदरची माहिती पोलिसांना दिल्यानंतर पोलिस निरीक्षक प्रमोद चौगुले ताफ्यासह घटनास्थळी दाखल झाले.त्यानंतर महिलेचा मृतदेह बाहेर काढून पंचनामा केला.सुरुवातीला महिला कोण?आत्महत्या की हत्या? असा संशय बळावला होता.अशातच अधिक चौकशी केल्यानंतर महिलेची ओळख पटली व कुटुंबीयांना घटनेबाबत कळविण्यात आले.मृतक शीला मसराम ही मानसिकदृष्ट्या आजारी होती.उपचार करण्यासाठी गडचिरोली वरून बसने चंद्रपूरला निघाली.मात्र,मूल बसस्थानकावर उतरल्यानंतर ती थेट तलावाकडे गेली असल्याचे काही नागरिकांचे म्हणणे आहे.सदर घटनेचा पुढील तपास मूल पोलिस प्रशासन करीत आहे.