उद्याला देसाईगंज नगरीत आमदार रामदास मसराम यांच्या वाढदिवसानिमित्त विविध समाजोपयोगी उपक्रम..

देसाईगंज(गडचिरोली):-येत्या,शुक्रवार २२ ऑगस्ट रोजी शेतकऱ्यांचे कैवारी तथा गोर-गरीब सर्वसामान्य जनतेच्या मनात घर करणारे आरमोरी विधानसभा क्षेत्राचे आमदार रामदास मसराम यांचा ५७ वा वाढदिवस मोठ्या उत्साहात साजरा करण्यात येणार आहे.तत्पूर्वी उद्या,गुरुवार २१ ऑगस्टला सकाळच्या सुमारास आमदार मसराम यांच्या वाढदिवस दिनाचे औचित्य साधून देसाईगंज शहरात तालुका काँग्रेस कमिटी देसाईगंज तथा आमदार रामदास मसराम मित्रपरिवार यांच्या वतीने विविध समाजोपयोगी  उपक्रम राबविण्यात येत आहेत.यात सकाळी ९ वाजे आमदार मसराम जनसंपर्क कार्यालयासमोर वृक्षारोपण कार्यक्रम,सकाळी १० वाजता ग्रामीण रुग्णालय देसाईगंज येथे रुग्णांना फळवाटप कार्यक्रम, सकाळी ११ वाजता माता मंदिर सभागृह माता वॉर्ड देसाईगंज या ठिकाणी भव्य रक्तदान शिबिर आयोजित करण्यात आले असल्याने सर्व नागरिक, युवक,कार्यकर्ते तथा सर्व पदाधिकाऱ्यांनी सहभाग दर्शवावा; असे तालुका काँग्रेस कमिटी देसाईगंज तथा आमदार रामदास मसराम मित्रपरिवार यांच्या वतीने आवाहन करण्यात आले आहे.